Дар «Боғи Ирам» даври ниҳоии Озмуни ҷумҳуриявии «Кандакорӣ, гаҷкорӣ, оинабандӣ ва кундалнигорӣ» баргузор шуд
ДУШАНБЕ, 14.06.2021 /АМИТ «Ховар»/. Тавре қаблан иттилоъ додем, 12 июни соли равон дар Муассисаи давлатии «Боғи Ирам»-и пойтахт даври ниҳоии Озмуни ҷумҳуриявии «Кандакорӣ, гаҷкорӣ, оинабандӣ ва кундалнигорӣ» баргузор гардид. Дар озмун ҳунармандон, намояндагони вазорату идораҳо, корпусҳои дипломатӣ, сокинони шаҳри Душанбе ва навоҳии атрофи он иштирок намуданд.
Тавре аз Вазорати меҳнат, муҳоҷират ва шуғли аҳолӣ ба АМИТ «Ховар» хабар доданд, дар озмуни мазкур муовини Сарвазири Ҷумҳурии Тоҷикистон Матлубахон Сатториён ва Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода иштирок доштанд.
Дар ифтитоҳи озмун зикр шуд, ки бо дастгирии бевоситаи Пешвои миллат муҳтарам Эмомалӣ Раҳмон ва эълон гардидани «Солҳои рушди деҳот, сайёҳӣ ва ҳунарҳои мардумӣ» дар саросари мамлакат садҳо коргоҳу корхонаҳои хурд, марказҳои омӯзишӣ ифтитоҳ гардида, барои тақвияти пояҳои ҳунармандии кишвар хизмат мекунанд. Ҳамзамон марказҳои ҳунармандӣ ва литсейҳои касбӣ – техникӣ ба наврасону ҷавонон аз рӯи 14 самт ва 97 ихтисос ҳунар меомӯзонанд, ки дар озмуни мазкур устодон ва хонандагони ин муассисаҳо низ ширкат варзиданд.
Соли равон боз 47 Маркази ҳунарҳои миллӣ ва муосир дар назди муассисаҳои таълимии вазорати меҳнат, муҳоҷират ва шуғли аҳолӣ ба фаъолият шурӯъ намуданд, ки аз рӯи 50 номгӯи ҳунарҳои мардумӣ, аз ҷумла кандакорӣ, гаҷкорӣ, оинабандӣ ва кундалнигорӣ хоҳишмандонро ба омӯзиш ҷалб менамоянд.
Мавриди зикр аст, ки ҳадаф аз баргузории озмуни мазкур тарбияи ҳисси зебоипарастӣ, хештаншиносӣ, ҳунармандӣ ва ватандӯстӣ, оммавӣ гардонидани усулҳои беҳтарини ҳунари кандакорӣ, гаҷкорӣ, оинабандӣ, кундалнигорӣ ва тарғибу ташвиқи ҳунарҳои миллӣ, эҳёи дигарбораи ҳунарҳои мардумӣ, шинохт ва арҷгузорӣ ба заҳмати ҳунармандон, муаррифии намудҳои гуногуни маҳсулоти ҳунармандӣ ва аз ин тариқ муайян намудани ҳунармандони моҳир ва ҳавасманд гардонидани онҳо дар даврҳои ноҳиявӣ, вилоятӣ ва ҷумҳуриявӣ мебошад.
Дар интиҳои чорабинӣ ғолибон аз рӯи 4 номина муайян гардида, ба ғолибони даври ниҳоӣ ва иштирокчиёни фаъоли он «Диплом», «Сипоснома» ва туҳфаҳои хотиравӣ тақдим карда шуданд.
АКС: Вазорати меҳнат, муҳоҷират ва шуғли аҳолӣ
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид
