Дар Душанбе Толори намоишгоҳи миллии доимоамалкунандаи «Made in Uzbekistan» ифтитоҳ ёфт

Июнь 17, 2021 11:16

ДУШАНБЕ, 17.06.2021 /АМИТ  «Ховар»/. Дар пойтахти Тоҷикистон Толори намоишгоҳи миллии «Made in Uzbekistan» ифтитоҳ ёфт, ки дар он истеҳсолкунандагони 15 соҳаи  Ӯзбекистон маҳсулоти худро пешкаш карданд. Дар ин бора ба АМИТ «Ховар» аз Кумитаи давлатии сармоягузорӣ ва идораи амволи давлатии Тоҷикистон хабар доданд.

Масоҳати толор, ки дар Душанбе ба таври доимӣ фаъолият мекунад, 600 метри мураббаъро ташкил дода,  номгӯи  молҳо  намунаи  маҳсулоти кишоварзӣ,  саноати хӯрокворӣ, масолеҳи сохтмонӣ, бофандагӣ, либоси тайёр, лавозимоти чармӣ ва пойафзол барои истифодаи  гуногун, матоъҳо ва маҳсулоти абрешимӣ,  электроника, асбобҳои рӯзгор, мебел, сантехника ва ҷавоҳиротро дар бар мегирад.

Толор ба ғайр аз намоишгоҳ будан, ҳамзамон  барои гуфтушунидҳо ва роҳандозии робитаҳои мустақим байни истеҳсолкунандагон ва муштариён замина мегузорад. Дар ин ҷо бо назардошти заминаи ашёи хоми маҳаллӣ ва талаботи бозор дурнамои рушди ҳамкории саноатӣ ва таъсиси корхонаҳои муштарак баррасӣ мегарданд.

«Бозори Тоҷикистон, ба гуфтаи истеҳсолкунандагони ӯзбекистонӣ, имконоти хуби рушд дорад. Аллакай дар рӯзҳои аввали намоишгоҳ (намоиш – тавзеҳи АМИТ «Ховар») таваҷҷуҳи зиёди меҳмонон — ҳам харидорон ва ҳам шарикони эҳтимолии тиҷорат ба назар мерасад, — нигоштааст AN Podrobno.uz. -Баъзе аз истеҳсолкунандагони масолеҳи сохтмонӣ ва маснуоти чармӣ аллакай дар бораи интиқоли маҳсулот ба Тоҷикистон созишномаҳои пешакӣ ба даст оварданд — шартномаҳои содиротии мустақим дар ояндаи наздик ба мувофиқа мерасанд.»

Намоишгоҳ  ҳамчун василаи муассир барои   рушди муносибатҳои тиҷоратии байни Тоҷикистону  Ӯзбекистон ва шинос намудани доираҳои тиҷоратии тоҷик бо иқтидори саноатии кишвари ҳамсоя  нигаронида шудааст.

Аксҳо аз манбаъҳои боз

Июнь 17, 2021 11:16

Хабарҳои дигари ин бахш

Маросими ҷамъбаст ва ҷоизасупории Фестивали дӯстии афсарону сарбозон ва ҷавонони шаҳри Душанбе доир шуд
ЭЪЛОНИ РӮЗИ ҶАҲОНИИ ФУТБОЛ. Пешниҳоди Рустами Эмомалиро 10 ҳазор сокини пойтахт бо баргузории роҳпаймоӣ ҷонибдорӣ намуданд
Дар шаҳри Душанбе Фестивали афсарону сарбозон баргузор мешавад
Дар Душанбе корҳои сохтмонӣ дар иншооти роҳ ва нақлиёт идома дорад
СОЛҲОИ РУШДИ САНОАТ. Дар шаҳри Душанбе 71 коргоҳу корхонаи саноатӣ сохта мешавад
НИШАСТИ МАТБУОТӢ. Дар шаҳри Душанбе ба миқдори зарурӣ маҳсулоти ниёзи аввалия захира шудааст
НИШАСТИ МАТБУОТӢ. Соли 2023 беш аз 200 ҳазор меҳмонони хориҷӣ ба шаҳри Душанбе омадаанд
Имрӯз Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ Сафири Фавқулода ва Мухтори Ҷумҳурии Кореяро ба ҳузур пазируфтанд
Дар Душанбе нақшаи баргузории ярмаркаҳои фурӯши маҳсулоти кишоварзию агросаноатӣ дар соли 2024 тасдиқ шуд
НАВРӮЗ-2024. Бо қарори Раиси шаҳри Душанбе бахшида ба ин ҷашни байналмилалӣ «Карнавали наврӯзӣ» доир мегардад
Дар робита ба ҳунарнамоии дастаи мунтахаби Тоҷикистон оид ба футбол дар Ҷоми Осиё-2023 ҳамоиши варзишгарони шаҳри Душанбе доир шуд
ТАНЗИМИ АНЪАНА ВА ҶАШНУ МАРОСИМ. Соли 2023 дар чор ноҳияи шаҳри Душанбе 60 ҳолати қонунвайронкунӣ ошкор гардид