Дар Маҷлиси намояндагон якчанд созишномаҳо ба тасвиб расиданд

Июнь 9, 2021 14:48

ДУШАНБЕ, 09.06.2021. /АМИТ «Ховар»/. Вакилони Маҷлиси намояндагони Маҷлиси Олии Ҷумҳурии Тоҷикистон дар ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати шашум, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода баргузор гардид, якчанд созишномаҳоро мавриди баррасӣ қарор дода, ба тасвиб расониданд.

Тавре котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод, инҳо аз ҷумла Созишномаи дастгирӣ байни мақомоти иҷроияи ҳокимияти давлатии шаҳри Кӯлоб ва Бонки Аврупоии Таҷдид ва Рушд оид ба лоиҳаи «Обтаъминкунӣ ва корези шаҳри Кӯлоб», Созишномаи грантӣ байни Ҷумҳурии Тоҷикистон, Ҷамъияти саҳомии кушодаи «Шабакаҳои тақсимоти барқ» ва Бонки Аврупоии Таҷдид ва Рушд оид ба лоиҳаи «Кам намудани талафоти неруи барқ дар вилояти Хатлон», Созишнома оид ба пешниҳоди кафолат байни Ҷумҳурии Тоҷикистон ва Бонки Аврупоии Таҷдид ва Рушд оид ба лоиҳаи «Кам намудани талафоти неруи барқ дар вилояти Хатлон», Созишномаи грантӣ байни Ҷумҳурии Тоҷикистон, муассисаи «Шабакаи гармидиҳандаи шаҳри Душанбе»-и мақомоти иҷроияи ҳокимияти давлатии шаҳри Душанбе ва Бонки Аврупоии Таҷдид ва Рушд оид ба Лоиҳаи «Таъминоти гармӣ дар шаҳри Душанбе», Созишнома оид ба пешниҳоди кафолат байни Ҷумҳурии Тоҷикистон ва Бонки Аврупоии Таҷдид ва Рушд оид ба Лоиҳаи «Таъминоти гармӣ дар шаҳри Душанбе»,  Созишномаи дастгирӣ байни мақомоти иҷроияи ҳокимияти давлатии шаҳри Душанбе ва Бонки Аврупоии Таҷдид ва Рушд оид ба Лоиҳаи «Таъминоти гармӣ дар шаҳри Душанбе», Созишнома оид ба маблағгузорӣ (Лоиҳаи беҳтар намудани роҳҳои алоқаи минтақавӣ дар Осиёи Марказӣ, БРАМОМ-4) байни Ҷумҳурии Тоҷикистон ва Ассотсиатсияи Байналмилалии Рушд,  Дар бораи мактуб-созишномаи Гранти Фонди трастии донории бисёрҷонибаи Барномаи рушди ҳамкорӣ ва савдо дар Осиё (БРҲСО) барои лоиҳаи беҳтар намудани роҳҳои алоқаи минтақавӣ дар Осиёи Марказӣ, Дар хусуси «Илова ба Созишнома оид ба маблағгузории Лоиҳаи фавқулодаи муқовимат ба вируси COVID-19 дар Тоҷикистон (D604-TJ)», Созишномаи маблағгузорӣ (маблағгузории иловагӣ барои Лоиҳаи фавқулодаи муқовимат ба вируси COVID-19 дар Тоҷикистон) ва Созишномаи маблағгузорӣ (маблағгузории дуюми иловагӣ барои Лоиҳаи фавқулодаи муқовимат ба вируси COVID-19 дар Тоҷикистон) байни Ҷумҳурии Тоҷикистон ва Ассотсиатсияи Байналмилалии Рушд мебошанд.

Созишномаҳои мазкурро масъулини соҳа — вазири молияи Ҷумҳурии Тоҷикистон Файзиддин Қаҳҳорзода, вакилони Маҷлиси намояндагон Мавзуна Шамсидинзода, Музафарҷон Маҳмудзода, Абдуҳалим Ғаффорзода,  Бахтиёр Аҳмадзода ва Фозил Обидзода ба  вакилони Маҷлиси намояндагон муаррифӣ намуданд.

АКСҲО аз бойгонӣ

Июнь 9, 2021 14:48

Хабарҳои дигари ин бахш

Вакилони Маҷлиси намояндагон бо вакилони парлумони Эрон мулоқот намуданд
Дар Шӯрои Маҷлиси намояндагон лоиҳаи «Обтаъминкунӣ ва корези шаҳри Кӯлоб» мавриди баррасӣ қарор гирифт
Дар иҷлосияи ҳафтуми Маҷлиси миллӣ, даъвати шашум масъалаи иваз намудани номи баъзе воҳидҳои маъмурию ҳудудии ҷумҳурӣ дар назар дошта шудааст
Маҳмадтоир Зокирзода: «Созмони Ҳамкориҳои Иқтисодӣ дар минтақа ҳамчун таҳрикбахшандаи равандҳои ҳамгироӣ нақши муҳим мебозад»
Раиси Маҷлиси намояндагон Маҳмадтоир Зокирзода дар ҷаласаи Конфронси дуюми Ассамблеяи Парлумонии кишварҳои аъзои СҲИ иштирок ва суханронӣ намуд
Дар Маҷлиси намояндагон лоиҳаи Кодекси манзили Ҷумҳурии Тоҷикистон баррасӣ шуд
Раиси Маҷлиси намояндагон Маҳмадтоир Зокирзода ба Ҷумҳурии Исломии Покистон сафар менамояд
Дар Маҷлиси миллӣ дар мавзӯи «Асосҳои ташкиливу ҳуқуқии таъмини рақобати солим ва ҳимояи ҳуқуқи истеъмолкунандагон: мушкилот ва роҳҳои ҳалли онҳо» муҳокимаи парламентӣ баргузор гардид
Дар Маҷлиси миллӣ вазъи хизматрасонии тиббӣ ва риояи қонунгузории Ҷумҳурии Тоҷикистон дар бораи тандурустиро баррасӣ намуданд
Дар шаҳри Санкт-Петербург нуҳумин Конгресси байналмилалии экологӣ доир шуд
Рустами Шоҳмурод дар кори ҷаласаи сайёри ҳамоҳангсозии раисони кумитаҳои дифоъ ва амнияти парлумонҳои кишварҳои узви СААД иштирок намуд
Ҷаласаи Комиссияи доимии Ассамблеяи Байнипарлумонӣ оид ба сиёсати аграрӣ, захираҳои табиӣ ва экологӣ доир шуд