Рушди минбаъдаи ҳамкорӣ миёни КҲФ МГ ва СММ дар самти коҳиши хатари офатҳо баррасӣ шуд
ДУШАНБЕ, 22.06.2021 /АМИТ «Ховар»/. 21 июн дар доираи рушди минбаъдаи ҳамкории байналмилалӣ дар самти пешгирӣ ва рафъи оқибатҳои офатҳои табиӣ дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон мулоқоти Раиси Кумита, генерал-лейтенант Рустам Назарзода бо Директори Бюрои минтақавии Барномаи Рушди Созмони Милали Муттаҳид/Ёвари Дабири Кулли Созмони Милали Муттаҳид хонум Миряна Сполярич Эггер баргузор шуд.
Тавре аз маркази матбуоти Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд, дар оғози мулоқот Рустам Назарзода ба хонум Эггер дар бораи самтҳои фаъолият ва усулҳои кори идора, сохтор ва шуъбаҳо, инчунин дар бораи корҳое, ки барои пешгирии ҳолатҳои фавқулодда дар кишвар рух медиҳанд ва бартарафсозии паёмадҳои онҳо маълумот дод.
Илова бар ин, бо таъкид ба сатҳи баланди ҳамкорӣ дар самти коҳиши хатари офатҳои табиӣ байни Тоҷикистон ва Барномаи Рушди СММ Раиси КҲФ дар бораи лоиҳаҳои муштараки Кумита ва БРСММ дар солҳои охир дар доираи татбиқи барномаи Рушди КҲФ барои солҳои 2018 – 2022 ва Стратегияи милии коҳиши хатари офатҳои табиӣ барои солҳои 2019-2030 ибрози андеша кард.
Инчунин Раиси КҲФ дар бораи сохтмон ва таҷдиди Маркази миллии таълимӣ оид ба таълим ва бозомӯзии наҷотдиҳандагон аз кишварҳои Осиёи Марказӣ ва ҶИА маълумот дод.
Дар навбати худ хонум Эггер барои ин мулоқоти самимӣ ва маълумоти муфассали пешниҳодшуда изҳори сипос кард ва ба ҳамкории минбаъда ва роҳандозии чорабиниҳои муштарак дар масъалаҳои барои ҷонибҳои манфиатбахш таъкид намуд.
Дар ҷараёни мулоқот ҷонибҳо имкониятҳо ва роҳҳои рушди ҳамкории дуҷониба дар самти пешгирӣ ва рафъи паёмадҳои ҳолатҳои фавқулода ва коҳиши хатари офатҳои табиӣ, масъалаҳои омода намудан ва бозомӯзии кормандони КҲФ – ро барарсӣ намуданд.
Дар поёни мулоқот ҷонибҳо ба рушди минбаъдаи ҳамкорӣ миёни Кумита ва СММ дар самти коҳиши хатари офатҳо изҳори умед карданд.
АКС: КҲФ
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
