Раиси Маҷлиси миллӣ, Раиси шаҳри Душанбе, Президенти Федератсияи футболи Тоҷикистон Рустами Эмомалӣ Президенти Ассотсиятсияи футболи Қатар Ҳамад бин Халифа бин Аҳмад Ал-Таниро ба ҳузур пазируфтанд
ДУШАНБЕ, 21.06.2021/АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ Президенти Ассотсиятсияи футболи Қатар Ҳамад бин Халифа бин Аҳмад Ал-Таниро ба ҳузур пазируфтанд.
Тавре сардори шуъбаи иттилооти дастгоҳи Раиси шаҳри Душанбе Ҷамшед Олимов ба АМИТ “Ховар” хабар дод, дар мулоқот масоили марбут ба соҳаи варзиш, бахусус футбол ва рушди он дар минтақа баррасӣ гардид.
Муҳтарам Рустами Эмомалӣ ташрифи меҳмони олиқадрро ба пойтахти кишвар – шаҳри Душанбе хайрамақдам гуфта, аз муносиботи Тоҷикистону Қатар дар соҳаи варзиш ва дигар самтҳо изҳори қаноатмандӣ намуданд.
Таъкид шуд, ки ба шарофати иродаи сиёсии сарони ҳар ду кишвар Президенти Ҷумҳурии Тоҷикистон муҳтарам Эмомалӣ Раҳмон ва Амири Давлати Қатар Шайх Тамим бин Ҳамад Оли Сонӣ ҳамкориҳои гуногунҷанба миёни ҳарду кишвар рушду густариш меёбанд.
Дар ҷараёни мулоқот Президенти Ассотсиятсияи футболи Қатар Ҳамад бин Халифа бин Аҳмад Ал-Танин оид ба ҳамкорӣ дар соҳаи варзиш, хосатан футбол миёни Ҷумҳурии Тоҷикистон ва Давлати Қатар ибрози назар намуда, зикр карданд, ки барои рушду густариши соҳа миёни давлатҳо тадбирҳои мушаххасу амалӣ роҳандозӣ карда мешавад.
Ҳамчунин Президенти Федератсияи футболи Тоҷикистон муҳтарам Рустами Эмомалӣ зикр карданд, ки ҳамкории дуҷонибаи судманд байни Федератсияи футболи Тоҷикистон ва Ассотсиятсияи футболи Қатар хеле хуб ба роҳ монда шуда, мутахассисони тоҷик дар Қатар таҷрибаи худро оид ба менеҷменти футбол тибқи талаботҳои муосир ташкил намудани мусобиқаҳоро сайқал медиҳанд.
Сипас Созишномаи ҳамкорӣ миёни Федератсияи футболи Тоҷикистон ва Ассотсиятсияи футболи Қатар ба имзо расонида шуд, ки он тӯли панҷ сол амал мекунад ва дар он табодули дониш ва таҷриба, барномаҳои мушоҳида ва сафарбаркунӣ, таҳкими иқтидор, лагерҳои омӯзишӣ ва бозиҳои дӯстона пешбинӣ шудааст.
Мулоқот дар фазои самимият, дӯстӣ ва ҳамдигарфаҳмӣ ҷараён гирифт.
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
