Ҷаласаи навбатии Ситоди шаҳрӣ оид ба пешгирӣ аз бемории сироятии Covid-19 дар Раёсати ВКД дар Душанбе доир гардид

Июль 21, 2021 11:02

ДУШАНБЕ, 21.07.2021 /АМИТ «Ховар»/. Бо вуҷуди  корҳои зиёди фаҳмондадиҳӣ оид ба пешгирӣ аз паҳншавии коронавируси нав Covid-19 ва тавсияи мутахассисон, иддае аз сокинони пойтахт нисбат ба ин масъала фориғболӣ зоҳир менамоянд. Ин нафарон дар ҷойҳои серодам, аз ҷумла бозору мағозаҳо, марказҳои хизматрасонӣ, наклиёти ҷамъиятӣ бе ниқоб ҳозир шуда,  қойидаҳои беҳдоштро риоя  намекунанд. Гурӯҳҳои кориро зарур аст, ки баҳри зудтар анҷом додани маъракаи ваксинатсия ва  риояи қойидаҳои беҳдошт корҳои иттилоотониро миёни сокинони пойтахт тақвият бахшанд.

Ин матлаб зимни баргузории ҷаласаи Ситоди шаҳрӣ оид ба пешгирӣ аз бемории сироятии Covid-19 дар шаҳри Душанбе , ки  19 июл  дар Раёсати Вазорати корҳои дохила дар шаҳри Душанбе тибқи дастуру супоришҳои Раиси шаҳри Душанбе муҳтарам Рустами Эмомалӣ таҳти  раёсати  муовини Раиси шаҳри Душанбе Муинӣ Мавсума  баргузор шуд, баён гардид.

Тавре аз мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд,  ҷаласаи  мазкур  бо иштироки васеи  роҳбарон ва масъулини сохторҳои марбутаи ноҳияҳои пойтахт ва  мутасаддиёни тамоми бахшҳои Раёсати Вазорати корҳои дохилӣ дар шаҳри Душанбе доир гардид.

Муовини Раиси шаҳри Душанбе Мавсума Муинӣ  зикр намуд, ки аз мушоҳидаҳои гурӯҳҳои кории пойтахт оид ба пешгирии бемории коронавируси нав Covid-19  бармеояд, ки баъзе аз шаҳрвандон ҳанӯз ҳам оқибатҳои  маргбори ин бемориро дарк накарда, нисбат ба саломатии худ ва атрофиён бепарвоӣ зоҳир менамоянд, ки боиси ташвиш аст.

-Ин нафарон дар ҷойҳои ҷамъиятӣ, маконҳои серодам, бозору марказҳои савдо, боғу гулгашт ва нақлиёти ҷамъиятӣ аз ниқобҳои муҳофизатии тиббӣ истифода намебаранд, тавсияи мутахассисонро оид ба пешгирӣ аз ин бемории сироятӣ ба инобат намегиранд, ки чунин муносибат ба паҳншавиии ин вирус мусоидат менамояд,  — изҳори нигаронӣ намуд муовини Раиси шаҳр.


Муовини Раиси шаҳри Душанбе Мавсума Муинӣ  таъкид намуд, ки бояд масъулини сохторҳои дахлдор ва гурӯҳҳои кории таъсисёфта баҳри пешгирии паҳншавии ин беморӣ   чораҳои мушаххасу муассиртарро роҳандозӣ намоянд.

Дар ҷаласа ҳамчунин роҳбарону масъулини ноҳияҳои пойтахт барои тақвияти корҳои фаҳмондадиҳӣ миёни сокинони пойтахт ва пешгирӣ аз риоя нагардидани коидаҳои беҳдоштӣ аз тарафи сокинон вазифадор карда шуданд.

Сипас сардори Раёсати тандурустии шаҳри Душанбе Шарифзода Хушвахт Салим ва сардори Раёсати Вазорати корҳои дохилӣ дар шаҳри Душанбе Шариф Назарзода оид ба навъи ҷадиди бемории сироятии коронавирус, бепарвоии бархе  аз сокинони шаҳр, муборизаи дастаҷамъона нисбат ба  ин беморӣ, ҷоннок кардани кори гурӯҳҳои таблиғотӣ, ҳарчӣ зудтар анҷом додани маъракаи ваксинатсия ва дигар масъалаҳои ба ин мавзӯъ пайванд изҳори андеша карданд.

Ҳамчунин таъкид гардид, ки дар шаҳри Душанбе тадбирҳо ҷиҳати риояи қоидаҳои беҳдоштӣ ва назорати истифодаи ҳатмии ниқоб бояд пурзӯр карда шавад.

Июль 21, 2021 11:02

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст