Кишоварзони ноҳияи Балҷувон боғпарвариро рушд дода, бештар ниҳолҳои меваашон содиротӣ мешинонанд

Июль 6, 2021 10:51

 БАЛҶУВОН, 06.07.2021 /АМИТ «Ховар»/. Аъзоёни хоҷагии деҳқонии «Эмдара»-и  Ҷамоати деҳоти ба номи Сафар Амиршоеви ноҳияи Балҷувон  дар майдони 5 гектар боғи нав бунёд карданд, ки дар он ниҳолҳои зардолую шафтолу, себу нок, чормағзу бодом, гелос ва дигар ниҳолҳои ба шароити иқлими минтақа мутобиқро шинониданд. Хоҷагидорон мақсад доранд, ки  сол ба сол майдони боғотро  васеъ намоянд ва ниҳолҳои меваашон содиротӣ бештар шинонанд.

Тавре хабарнигори минтақавии АМИТ “Ховар” иттилоъ медиҳад, ҳоҷагии мазкур  дар майдони 45 гектар ташкил карда шуда, натиҷаи коркарди саривақтӣ ва риояи қоидаҳои агротехникӣ буд, ки ниҳолҳои шинонидаи кишоварзон 98 фоиз сабзида,  нашъунамои хуб доранд.

Барои шодоб намудани майдони боғ хоҷагидорон тадбирҷӯӣ намуда, чоҳи амудӣ канда,  дар қисмати болоии боғ обанбор сохтаанд. Бо фароҳам овардани шароит сабзавоткорӣ ва бунёди токзорро низ ба роҳ мондаанд.

Тавре роҳбари хоҷагӣ Идибек Бобоев итиллоъ дод, барои чорвои хоҷагӣ бошад аз алафҳои табии байни боғ хӯроки дурушти чорво захира карда истодаанд. Дар ҳудуди ноҳия дар дигар хоҷагиҳои деҳқонию инфиродӣ айни замон дарави алафҳои табиӣ ва юнучқа муташаккилона ба роҳ монда шудааст. Ҳамарӯза беш аз 100 адад техника ба саҳро баромада барои сари вақт ва беталаф ҷамъоварӣ намудани хӯроки чорво машғули коранд.

Гуфта шуд, ки имсол дар ноҳияҳои водӣ ва баъзе ноҳияҳои кӯҳистони мамлакат сабзиши алаф он қадар хуб нест ва кишоварзони ноҳияи Балҷувон кӯшиш намуда истодаанд, ки аз нақшаи дурнамо зиёд хошок захира намуда, чорводорони дигар ноҳияҳоро низ бо хӯроки дурушти чорво таъмин намоянд.

Акс аз манбаъҳои боз

Июль 6, 2021 10:51

Хабарҳои дигари ин бахш

Дар доираи ташаббуси наҷиби Пешвои миллат дар миқёси мамлакат 1,5 миллион бех ниҳол шинонида шуд
Раиси вилояти Суғд аз хоҷагиҳои деҳқонии шаҳри Панҷакент боздид намуд
«Парвариши дарахти муъҷизанок «павловния» дар Тоҷикистон манфиати зиёд дорад», — чунин пешниҳод кардааст рўзноманигори тоҷик ба соҳибкорон
Соҳибкорони вилояти Липетск дар Суғд ниҳол шинониданд
ДАРАХТ БИНШОН! Дар ноҳияи Темурмалик беш аз 500 ниҳолҳои ороишӣ шинонида шуд
Дар Истаравшан дар майдони 40 гектар боғи себ бунёд мегардад
ИҚДОМ БА ЗЕБОИПАРАСТИВУ ОЗОДАГӢ. Дар шаҳри Хоруғ Ҳафтаи гулшинонӣ эълон гардид
ДАРАХТ БИНШОН! Дар Мурғоб 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, шинонда шуданд
ДАРАХТ БИНШОН! Дар мавсими имсола дар Хоруғ зиёда аз 3 ҳазор бех дарахтони босамару ороишӣ шинонида мешаванд
Пешвои миллат Эмомалӣ Раҳмон барои бунёди тутзор дар Хоҷагии деҳқонии «Хурсандӣ-2»-и ноҳияи Кӯшониён дарахт шинонданд
ДАРАХТ БИНШОН! Дар ноҳияи Ҷаббор Расулов беш аз 200 бех ниҳолҳои санавбар шинонида шуданд
ДАРАХТ БИНШОН! Дар шоҳроҳи Кӯлоб-Ховалинг ва кӯчаҳои марказӣ беш аз 1000 бех ниҳолҳои ороишию сояафкан шинонида шуданд

Маводҳои таҳлилӣ