«Сомон Эйр» дар нахустин чорабинии авиатсионии пас аз пандемия муаррифӣ гардид

Июль 2, 2021 15:07

ДУШАНБЕ, 02.07.2021/АМИТ «Ховар»/. Директори генералии ширкати ҳавопаймоии «Сомон Эйр» Томас В. Халлам II дар нахустин чорабинии байналмилалии авиатсионии пас аз пандемия — Aviation- Event 2021: Авиатсия ва туризм ширкат варзида, суханронӣ намуд. Чорабинӣ дар ҷазираи Тенерифе баргузор шуда, зимнан дар он масоили марбут ба тарҳи нави саноати сайёҳӣ муҳокима гардиданд. 200 нафар коршиносон аз ширкатҳои ҳавопаймоӣ, сайёҳӣ ва ВАО барнома, фикру андеша ва тасмимҳои худро доир ба мавзӯи марказии ҳамоиш пешниҳод карданд.

Тавре  ширкати ҳавопаймоии «Сомон Эйр» хабар медиҳад,  дар  бахшҳои ҳамоиш иштирокдорон ҳамчунин мавзӯъҳоеро аз қабили «Талаботи авиатсия баъди фаъолшавӣ», «Шаҳодатномаи эмгузаронӣ”, «Идоракунии зиддибӯҳронӣ дар соҳаи сайёҳӣ», «Авиатсия дар Амрико: қадамҳо ба сӯи барқароршавии пурра», «Рақамисозӣ ҳамчун воситаи тарҳи нави тиҷорат», «Имкониятҳо дар роҳ ба сӯи саноати устувортари сайёҳӣ» ва  «Дурнамои дарозмуддати макроиқтисодӣ: тарҳҳои тиҷоратии оянда дар соҳаи сайёҳӣ» мавриди баррасӣ қарор доданд.

«Ман аз иштирок дар нахустин чорабинии байналмилалии авиатсионӣ пас аз пандемия хеле сарфарозам. Чорабинии мазкурро бешубҳа ҳамчун нишонаи барқароршавии минбаъдаи соҳаи авиатсия шумурдан мумкин аст.  Aviation-Event  яке аз рӯйдодҳои муҳими соҳаи авиатсия мебошад, ки дар он сисёсатмадорон, тоҷирон, фаъолони ҷомеа ва маъмуриятҳои кишварҳои чаҳон ширкат меварзанд.», – изҳор дошт директори генералии ширкати ҳавопаймоии «Сомон Эйр» Томас В. Халлам II.

Июль 2, 2021 15:07

Хабарҳои дигари ин бахш

Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Душанбе масоили таъсиси марказҳои логистикӣ, платформаи рақамӣ ва мактаби содирот баррасӣ шуд
Тоҷикистон ва Кореяи Ҷанубӣ тасмим гирифтаанд суратҳисобҳои муросилотӣ кушоянд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ баргузор шуд
МАСЛИҲАТИ МУТАХАССИС. Ҳикматулло Назиров: «Ин барф ба дарахтоне, ки гул кардаанд, чандон зарар намерасонад»
Хушкмеваҳои Тоҷикистон дар «Gulfood» ба намоиш ва фурӯш гузошта шуданд
Дар ноҳияи Абдураҳмони Ҷомӣ 60 тухмипошаки нав ба кишти пунбадона ҷалб мешавад
Соли 2024 дар Бадахшон зиёда аз 40 корхонаи саноатӣ мавриди баҳрабардорӣ қарор дода мешавад
Вазорати адлияи Тоҷикистон ба буҷет 72 миллиону 532 ҳазор сомонӣ боҷи давлатӣ ворид намуд
НАЗАРИ КОРШИНОС. Гузариш ба пардохтҳои ғайринақдӣ ба сарфаи вақти муштариён мусоидат менамояд
Беш аз 165 ҳазор субъектҳои хоҷагидор эъломияҳои худро тариқи электронӣ пешниҳод менамоянд
НАЗАРИ КОРШИНОС. Барои беҳтарсозии фазои сармоягузорӣ мақомоти иҷроияи ҳокимияти давлатӣ бояд тадбирҳои саривақтӣ андешанд