Ба 14 оилаи деҳаи Иттифоқи ноҳияи Вахш калиди хонаҳои нав тақдим гардид
ДУШАНБЕ, 05.08.2021 /АМИТ «Ховар»/. Имрӯз ба сардорони 14 оилаи деҳаи Иттифоқи ноҳияи Вахш калиди хонаҳои навашон тақдим карда шуд. Хонаҳои бунёдгардида 3 ва 4-ҳуҷрагӣ буда, бо тамоми шароити зарурии зиндагӣ таъмин мебошанд.
Тавре аз мақомоти иҷроияи ҳокимияти давлатии вилояти Хатлон ба АМИТ «Ховар» иттилоъ доданд, дар маросими тақдими хонаҳои навбунёд раиси вилояти Хатлон Қурбон Ҳакимзода иштирок намуд. Раиси вилоят калиди хонаҳоро ба соҳибонашон супурда, барояшон хушбахтиву саломатӣ таманно намуд.
Ёдовар мешавем, ки 11 майи соли 2021 дар деҳаи Иттифоқи ноҳияи Вахш дар натиҷаи бориши борони зиёд ва омадани сел 41 хонаи истиқоматии шаҳрвандон пурра хароб шуда буд.
Аз хонаҳои зарардида то имрӯз 28-тои он мавриди баҳрабардорӣ қарор гирифтаанд.
15 июни соли равон Пешвои миллат, Президенти мамлакат муҳтарам Эмомалӣ Раҳмон зимни сафар аз ҳолу аҳволи сокинони зарардидаи деҳаҳои ноҳияи Вахш дидан намуда, 8 манзили истиқоматии навбунёди сокинонро мавриди истифода қарор доданд.
Президенти мамлакат муҳтарам Эмомалӣ Раҳмон ба масъулини вазорату идораҳои дахлдор ва сохторҳои марбутаи вилоятию ҷумҳуриявӣ дастур доданд, ки барои ҳарчӣ зудтар барқарор намудани манзилҳои истиқоматӣ, роҳу пулҳо, ҷӯйҳо, сарбандҳои рахнашуда ва дигар иншооти ифрасохторӣ тамоми қувва ва техникаю таҷҳизоти мавҷударо сафарбар намоянд ва дар муҳлати муқарраргардида корҳои сохтмонии боқимондаро ба итмом расонанд.
АКСҲО аз Мақомоти иҷроияи ҳокимияти давлатии вилояти Хатлон
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
Бахшида ба Рӯзи умумиҷаҳонии ҳифзи меҳнат ҳамоиш доир шуд
Дар мавзуи «Худогоҳию худшиносии миллӣ – василаи мубориза бо таассуб ва хурофот» бо сокинони шаҳри Исфара вохӯрӣ доир шуд
