Дар Душанбе даври интихобии олимпиадаи байналмилалӣ дар самти робототехника «WRO-2021» доир гардид
ДУШАНБЕ, 23.08.2021 /АМИТ «Ховар»/. 22 август дар Муассисаи давлатии таълимии Литсейи рақами 3 барои хонандагони болаёқати пойтахт бо ташаббуси мақомоти иҷроияи ҳокимияти давлатии шаҳри Душанбе даври интихобии олимпиадаи байналмилалӣ дар самти робототехника «WRO-2021» баргузор гардид, ки иштирокчиёни он аз рӯйи синн ба се гурӯҳ – кӯдакони аз 10 то 12-сола, наврасони 13-15-сола ва аз 16 то 19-сола ҷудо гардиданд. Ғолибон ва ҷоизадорони олимпиадаи байналмилалии «WRO-2021» бо диплом ва туҳфаҳо қадрдонӣ шуданд.
Тавре аз Сарраёсати маорифи шаҳри Душанбе ба АМИТ «Ховар» иттилоъ доданд, олимпиадаи байналмилалӣ дар самти робототехника «WRO-2021» дар ҳамкорӣ бо Мактаби байналмилалии робототехника «Лигаи роботҳо» ва Муассисаи давлатии Маркази дарёфт ва рушди истеъдодҳои назди Сарраёсати маорифи шаҳри Душанбе роҳандозӣ гардид.
Даври интихобии олимпиадаи мазкур бо мақсади дарёфт ва рушди истеъдодҳои эҷодкоронаи хонандагон, афзудани шавқмандии онҳо ба фаъолияти илмӣ-техникӣ, ҳалли вазифаҳои мубрами фаннӣ-инженерӣ, баланд бардоштани ҳайсияти касбҳои марбут ба соҳаи фановариҳои иттилоотӣ миёни ҷавонон, ҷалби таваҷҷуҳи наврасону ҷавонон ба навовариҳо ва технологияҳои муосири иттилоотӣ, инчунин фароҳам овардани шароит барои дастгирии кӯдакони лаёқатманд дар соҳаи робототехника гузаронида шуд.
Ёдовар мешавем, ки ҳар сол дар Тоҷикистон барои дарёфти кӯдакони лаёқатманд ва муаррифии истеъдодҳои кашфношуда дар муассисаҳои таҳсилоти миёнаи умумии мамлакат олимпиадаи ҷумҳуриявӣ ва байналмилалӣ дар самти робототехника баргузор мешаванд.
АКСҲО аз Сарраёсати маорифи шаҳри Душанбе
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
