КҲФ ва МГ: Амалиёти ҷустуҷӯӣ анҷом ёфта, ҷасади халабони ҳалокшудаи Ми-8 Сергей Тютин ба поён фароварда шуд
ДУШАНБЕ, 19.08.2021 /АМИТ «Ховар»/. 18 август амалиёти ҷустуҷӯӣ анҷом ёфта, овардани ҷасади халабони ҳалокшудаи чархболи Ми-8-и Қӯшунҳои сарҳадии КДАМ Ҷумҳурии Тоҷикистон ба анҷом расид ва ҷасади Сергей Тютин аз баландии бештар аз 5 ҳазор метр поён фароварда шуд. Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Наҷотдиҳандагон муддати се шабонарӯз роҳ паймуданд, то ба нуқтае расанд, ки чархбол сарнагун шуда буд. Ба ин амалиёт қувваву воситаҳои КҲФ, ҳамчунин як чархболи қувваҳои мусаллаҳи марзбонии КДАМ ҷалб шуда буданд.
Ёдовар мешавем, ки 4 августи соли равон як чархболи МИ-8 Қӯшунҳои сарҳадии Кумитаи давлатии амнияти миллии кишвар ба кумаки сайёҳони Русия равон шуда буд. Ин гардишгарон ҳангоми боло шудан ба пиряхи Федченко дучори мушкил шуда буданд ва чархбол бо 5 сарнишин ба ёрии онҳо рафта буд.
Аммо қариби соати 12:10 чархбол аз назари радар нопадид шуд, ҳар гуна иртибот бо он қатъ гардид ва ба ягон дархост посух намедод. Баъдан маълум шуд, ки чархбол дар қаламрави пиряхи Хирсон, ки дар дараи Абдулқаҳҳори ноҳияи Ванҷи Вилояти Мухтори Кӯҳистони Бадахшон ҷойгир аст, ба кӯҳ бархӯрдаву сарнагун шудааст. Дар натиҷа сарвари парвоз Сергей Тютин ба ҳалокат расид ва чор нафари дигар ҷароҳатҳои гуногун бардоштанд.
6 август бо кумаки чархболи МИ-8 неруҳои марзбонии Кумитаи давлатии амнияти миллии Тоҷикистон 10 нафар — 6 нафар сайёҳони Русия, 2 нафар аз ҳайати экипажи чархболи суқуткарда ва 2 корманди ширкати сайёҳии «Помир-Пик» ба шаҳри Душанбе оварда шуданд, аммо ҷустуҷӯ ва интиқоли ҷасади халабон Сергей Тютин идома дошт.
Баъд аз як тарҳрезии ҷиддии амалиёти ҷустуҷӯ ва наҷот 10 нафар имдодгарони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба воситаи чархбол ба баландии 4000 метр бароварда шуданд ва онҳо аз он нуқта ба самти боло, ба ҷойе, ки чархбол суқут карда буд, равон шуданд.
АКС аз КҲФ ва МГ
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
