Дар Душанбе Фестивали тобистонаи Душанбе-2021 бо шукӯҳу шаҳомати хосса доир шуд
ДУШАНБЕ, 27.09.2021. /АМИТ «Ховар»/. 25-26 сентябр дар шаҳри Душанбе Фестивали тобистонаи Душанбе-2021 (Dushanbe summer Fest-2021) бо шукӯҳу шаҳомати хосса баргузор гардид, ки дар он се ситораи деринтизори эстрадаи Шарқ — Юлдуз Усмонова, Арон Афшор, Ҳамид Ҳирод ва ҳунармандони хушовози эстрадаи тоҷик бо суруду оҳангҳои дилнишину марғуб табъи ҳозиринро шод гардониданд.
Тавре мухбири АМИТ «Ховар» хабар медиҳад, барномаи фарҳангиро муовини Раиси шаҳри Душанбе Мавсума Муинӣ оғоз бахшида, иброз дошт, ки фестивали мазкур соли сеюм аст бо ташаббуси бевоситаи Раиси муҳтарами шаҳр Рустами Эмомалӣ баргузор карда мешавад.
Дар даромадгоҳи фестивал намоиши ҳунарҳои мардумӣ ташкил шуда, иштирокдорони он, бахусус меҳмонони хориҷӣ аз маҳсулоти дастии ҳунармандони тоҷик харидорӣ намуданд. Баҳри боз ҳам шавқовар гардонидани барнома бозии бурдҳои қиматнок ташкил гардида, иштирокдорон соҳиби туҳфаҳои арзишманд шуданд.
Инчунин дар фестивали мазкур парвоз дар кураҳои ҳавоӣ, бозиҳои рангоранг ва барномаҳои шавқовар барои хурдсолон пешкаш гардид. Барои дӯстдорони ширинӣ беҳтарин анво пешниҳод гардида, ҳамчунин навъҳои гуногуни хӯрокҳои миллӣ ва нӯшобаҳо аз меваҳои шаҳдбори сарзамин манзур шуданд.
Ёдовар мешавем, ки Фестивали тобистонаи Душанбе-2021 (Dushanbe summer Fest — 2021)» бо ташаббуси мақомоти иҷроияи ҳокимияти давлатии шаҳри Душанбе бо мақсади ҷалби сайёҳон ва муаррифии Душанбе ҳамчун шаҳри дорои имконоти сайёҳӣ, инчунин дар доираи эълон гардидани шаҳри Душанбе «Пойтахти сайёҳии кишварҳои аъзои Созмони Ҳамкории Иқтисодӣ — 2020-2021» ва «Пойтахти фарҳангии Иттиҳоди Давлатҳои Мустақил – 2021» гузаронида шуд.
АКС аз АМИТ «Ховар»
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
