ФУТБОЛ. «Истиқлол» дар бозии мавқуфмондаи даври 8-уми Лигаи олӣ бар дастаи «Равшан»-и Кӯлоб ғолиб омад
ДУШАНБЕ, 07.09.2021 /АМИТ «Ховар»/. Дастаи футболи «Истиқлол»-и шаҳри Душанбе дар бозии мавқуфмондаи даври 8-уми Лигаи олии Тоҷикистон бар дастаи «Равшан»-и шаҳри Кӯлоб бо натиҷаи 3:0 зафар ёфт, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Бозии мазкур бо бартарии футболбозони дастаи «Истиқлол»-и шаҳри Душанбе хотима ёфт. Ҳамлагари ботаҷрибаи даста Манучеҳр Ҷалилов дар ин рақобати ҷолиб ду гол зада, беҳтарин бозингари вохӯрӣ дониста шуд. Як голи дигарро дар қисмати охири бозӣ бо партофти Манучеҳр Ҷалилов — Ислом Зоиров вориди дарвозаи дастаи «Равшан»-и шаҳри Кӯлоб намуд.
Ҳамин тавр, дастаи футболи «Истиқлол»-и шаҳри Душанбе боз се холи дигар ба даст оварда, мавқеи худро дар ҷадвали мусобиқот мустаҳкамтар намуд.
Чемпионати Тоҷикистон
Бозии мавқуфмондаи даври 8-ум
«Истиқлол» — «Равшан»- 3:0
Голҳо: Манучеҳр Ҷалилов, 13 (1:0). Манучеҳр Ҷалилов, 60 (2:0). Ислом Зоиров, 80 (3:0).
Ҳамин тариқ, марҳилаи дуюми Чемпионати Тоҷикистон оид ба футбол миёни дастаҳои Лигаи олӣ бо пирӯзии дастаи футболи «Истиқлол»-и шаҳри Душанбе (42 хол) поён ёфт. Дастаи футболи «Истиқлол»-и шаҳри Душанбе ҳамчунин як бозии анҷомнадода дар ихтиёр дорад. Дастаи футболи «Хуҷанд»-и шаҳри Хуҷанд бо 32 хол дар ҷои дуюм аст. Сегонаи аввалро дастаи футболи «Истаравшан»-и шаҳри Истаравшан (26 хол) ҷамъбаст мекунад.
Ёдовар мешавем, ки марҳилаи сеюми Чемпионати Тоҷикистон оид ба футбол миёни дастаҳои Лигаи олӣ 17 сентябр оғоз гардида, то 9 декабр идома меёбад. Дар даври 19-ум 17 сентябр дастаҳои футболи «Истаравшан»-и шаҳри Истаравшан бо «Файзканд»-и ноҳияи Восеъ, «Эсхата»-и шаҳри Хуҷанд бо КМВА-и шаҳри Душанбе, 18 сентябр дастаҳои футболи «Истиқлол»-и шаҳри Душанбе бо «Равшан»-и шаҳри Кӯлоб, «Хатлон»-и шаҳри Бохтар бо «Кӯктош»-и ноҳияи Рӯдакӣ, «Хуҷанд»-и шаҳри Хуҷанд бо «Душанбе»-и шаҳри Душанбе бо ҳам вомехӯранд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 17 | 13 | 3 | 1 | 53-7 | 42 |
| 2 | «Хуҷанд» (Хуҷанд) | 17 | 10 | 2 | 5 | 33-19 | 32 |
| 3 | «Истаравшан» (Истаравшан) | 18 | 7 | 5 | 6 | 21-19 | 26 |
| 4 | «Эсхата» (Хуҷанд) | 18 | 7 | 3 | 8 | 26-31 | 24 |
| 5 | КМВА (Душанбе) | 18 | 6 | 6 | 6 | 22-23 | 24 |
| 6 | «Равшан»(Кӯлоб) | 18 | 5 | 8 | 5 | 18-20 | 23 |
| 7 | «Хатлон» (Бохтар) | 18 | 6 | 5 | 7 | 18-24 | 23 |
| 8 | «Душанбе»(Душанбе) | 18 | 4 | 6 | 8 | 20-37 | 18 |
| 9 | «Файзканд» (Восеъ) | 18 | 4 | 5 | 9 | 13-24 | 17 |
| 10 | «Кӯктош» (Рӯдакӣ) | 18 | 3 | 5 | 10 | 22-42 | 14 |
АКС аз ФФТ
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
