Иттифоқҳои касабаи Тоҷикистон ва Узбекистон оид ба ҳамкории минбаъда Ёддошти тафоҳуми давравӣ ба тасвиб расониданд
ДУШАНБЕ, 27.09.2021 /АМИТ «Ховар»/. Федератсияи иттифоқҳои касабаи мустақили Тоҷикистон ва Федератсияи иттифоқҳои касабаи Узбекистон оид ба ҳамкорӣ миёни иттифоқҳои касабаи ҳарду давлат Ёддошти тафоҳуми давравӣ ба тасвиб расониданд, ки санади мазкур барои тақвият бахшидани ҳамкории дуҷониба мусоидат хоҳад кард, хабар медиҳад АМИТ “Ховар” бо истинод ба Федератсияи иттифоқҳои касабаи мустақили Тоҷикистон.
Мавриди зикр аст, ки ҷиҳати амалӣ намудани Изҳороти муштараки Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев оид ба таҳкими дӯстӣ ва некуҳамсоягӣ, ба роҳ мондани ҳамкории дуҷониба, рушди робитаҳои мустақим ва табодули таҷрибаи иттифоқҳои касаба аз 9 марти соли 2018 ҳайати Федератсияи иттифоқҳои касабаи мустақили Тоҷикистон бо роҳбарии сарвари ин ниҳод Маликшо Неъматзода бо даъвати раиси Федератсияи иттифоқҳои касабаи Узбекистон 24-26 сентябри имсол ба Ҷумҳурии Узбекистон сафари корӣ анҷом дод.
Дар доираи сафар раиси Федератсияи иттифоқҳои касабаи мустақили Тоҷикистон Маликшо Неъматзода бо раиси Федератсияи иттифоқҳои касабаи Узбекистон Қудратилла Рафиқов, роҳбарони иттифоқҳои касабаи соҳавӣ мулоқотҳои судманд анҷом дод.
Маликшо Неъматзода иштирокчиёни ҳамоиш ва кулли аъзои Иттифоқҳои касабаи Узбекистонро ба муносибати 30 -солагии Истиқлолияти Ҷумҳурии Узбекистон табрик гуфта, ба ҳозирин оид ба таҷлили сазовори 30-солагии Истиқлолияти Ҷумҳурии Тоҷикистон ва натиҷаҳои ин даврони давлатсозии миллии кишварамон таҳти сарварии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маълумот пешниҳод намуд.
Дар доираи сафари корӣ ҳайати Тоҷикистон бо фаъолияти кории Иттифоқҳои касабаи Узбекистон шинос шуда, аз Технопарки шаҳри Тошканд, ки 16 корхонаи истеҳсолиро дар бар мегирад, дидан намуд.
Ҳамзамон зимни сафар ҳайати Тоҷикистон бо нишони эҳтирому поси хотири иштирокчиёни Ҷанги Бузурги Ватании солҳои 1941-1945 дар Боғи ғалабаи шаҳри Тошканд ба пояи Муҷассамаи модар гулчанбар гузошт.
Ёдовар мешавем, ки зимни мулоқоти расмӣ бо роҳбарияти Федератсияи иттифоқҳои касабаи Узбекистон Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода иштирок намуд.
АКС: ФИКМТ
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
