Масъалаи бунёди хати роҳи оҳан миёни Тоҷикистон ва Узбекистон дар масири Панҷакент-Самарқанд баррасӣ шуд

Сентябрь 15, 2021 13:40

 ДУШАНБЕ, 15.09.2021 /АМИТ «Ховар»/.  Дар шаҳри Панҷакент масъалаи бунёди хати роҳи оҳан миёни Тоҷикистону Узбекистон дар масири Панҷакент-Самарқанд баррасӣ гардид, ки дар он масъулин ва собиқадорони соҳа  иштирок намуданд, хабар доданд аз мақомоти иҷроияи ҳокимияти давлатии шаҳри Панҷакент ба АМИТ «Ховар».

Собиқадорони соҳа аз рӯи таҷрибаи корӣ аз мавҷуд будани ҳуҷҷатгузориҳо барои сохтмони роҳи оҳани Самарқанд-Панҷакент, ҷудо гардидани замин барои бунёди пойгоҳи роҳи оҳан дар ҳудуди ноҳияи Ҷомбойи Ҷумҳурии Узбекистон дар давраи Иттиҳоди Шӯравӣ ва дигар масъалаҳо сухан карда, ҷиҳати тезонидани кор дар ин самт ба мутахассисон пешниҳодҳо манзур намуданд.

Ҳоло аз ҳарду ҷониб гурӯҳи корӣ ташкил шуда, ҳуҷҷатгузорӣ ҷиҳати омода намудани лоиҳаи роҳи оҳан идома дорад.

Илова бар ин, мақомоти иҷроияи ҳокимияти давлатии шаҳри Панҷакент низ дар ҳамкорӣ бо вазорату идораҳои марбута ҷиҳати ҳарчӣ зудтар омода намудани лоиҳаи роҳи оҳан тадбирҳои судманд андешида истодааст.

Ёдовар мешавем, ки 7 июни соли 2021 зимни мулоқоти муовини Вазири нақлиёти Тоҷикистон Шоиста Саидмуродзода ва муовини Вазири нақлиёти Узбекистон Абдусамат Мӯъминов лоиҳаи сохтани қитъаи роҳи оҳани «Панҷакент (Тоҷикистон) — истгоҳи Булунгур/истгоҳи Ҷамбай/истгоҳи Фабрика (Узбекистон)» муҳокима гардид.

                                                 АКС: аз МИҲД шаҳри Панҷакент

Сентябрь 15, 2021 13:40

Хабарҳои дигари ин бахш

Гардиши мол миёни Тоҷикистон ва Русия 74 миллион доллар афзоиш ёфт, ки имкон аст то охири сол аз нишондиҳандаҳои қабл аз пандемия пеш гузарад
БМТ ва БМР ҳамкориро дар муқовимат бо ҳамлаҳои компютерӣ тақвият мебахшанд
Доираҳои тиҷоратии Тоҷикистон ва Русия дурнамои рушди ҳамкории тиҷоративу иқтисодиро баррасӣ мекунанд
Доираҳои тиҷоратии Покистон ҷиҳати иштирок дар Форуми сармоягузорӣ ба Душанбе меоянд
Миёни Вазорати меҳнат, муҳоҷират ва шуғли аҳолии Тоҷикистон ва «Маркази бисёрсамтаи муҳоҷират»-и Москва Ёддошти тафоҳум баимзо расид
ИСТИҚЛОЛИЯТ ВА 30 СОЛИ САМАРАБОРИ ОН. Андешаҳои муовини Вазири меҳнат, муҳоҷират ва шуғли аҳолӣ Нурулло Маҳмадуллозода дар ин хусус
Пешвои миллат: Баъди пурра ба кор даровардани НБО «Роғун» иқтидори энергетикии Тоҷикистон 60 фоиз афзуда, ба истиқлоли комили энергетикӣ ноил мегардем
Ҳоким Холиқзода: Бо шарофати Истиқлолияти давлатӣ дар Тоҷикистон низоми бонкдории муосир ташаккул ёфт
Узвияти Душанбе дар WTCF барои баромадан ба бозорҳои ҷаҳонии сайёҳӣ нақши муассир мегузорад
Корхонаҳои Тоҷикистон ба маблағи 1,5 миллиард сомонӣ масолеҳи сохтмонӣ истеҳсол кардаанд
Сарвазири мамлакат Қоҳир Расулзода бо ҷараёни корҳои сохтмонӣ дар НБО «Роғун» шинос шуда, ба истиқболи 30-солагии Истиқлол ба кормандони ин иншооти азим мукофотҳои давлатӣ супорид
Роҳи мошингарди Ҳулбук – Темурмалик – Кангурт аз ҷониби ширкати чинӣ сохта мешавад

Маводҳои таҳлилӣ