Дар Ҳисор дар мавзӯи масъулияти падару модар дар таълиму тарбияи фарзанд ҳамоиш доир гардид

Октябрь 12, 2021 14:37

ҲИСОР, 12.10.2021 /АМИТ «Ховар»/. Масъалаҳои ҷараёни татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», пешгирии амалҳои номатлуб, аз қабили суиқасд ба ҷони худ, шомил шудан ба гурӯҳҳои тундгарою ифротгаро, рӯй овардан ба фарҳанги бегона ва ҷинояткорию дигар ҳуқуқвайронкуниҳо, инчунин таблиғи тарзи ҳаёти солим, ҷалби духтарон ба таҳсил ва баланд бардоштани маърифати ҳуқуқии онҳо зимни ҳамоиши муштараки комиссия оид ба ҳифзи ҳуқуқи кӯдак ва шуъбаи кор бо занон ва оилаи шаҳри Ҳисор мавриди таҳлилу баррасӣ қарор гирифтанд, иттилоъ доданд аз мақомоти иҷроияи ҳокимияти давлатии шаҳри Ҳисор ба хабарнигори минтақавии  АМИТ «Ховар».

Дар ҳамоиш, ки бо иштироки фаъолони ҷомеа ва кормандони ташкилоту муассисаҳо доир гардид, муовини раиси шаҳр Бунафша Юлдошзода зикр намуд, ки “Пешвои миллат муҳтарам Эмомалӣ Раҳмон  ҳамчун роҳнамои маънавӣ тарбияи кӯдакону наврасон ва ҷавононро дар рӯҳияи арзишҳои суннатию башарӣ яке аз вазифаҳои муҳими имрӯзу ояндаи давлат ва ҷомеа дониста, масъалаҳои демографӣ ва танзими оиларо ҳамчун омили асосии ҷомеаи солим ба миён гузошта, дар роҳи ба мақоми хирад расонидани фарзандон ҳамеша насиҳатҳои падарона менамоянд. Аз ин рӯ мо, шаҳрвандон вазифадорем, ки  дар паҳлӯи омӯзгорон истода, бо ҷустуҷӯҳои фикрӣ дар рушди маориф ва таълиму тарбияи насли оянда саҳм гузорем ва дар соҳибфазилат гардидани фарзандон бетафовут набошем”.

Зикр шуд, ки ҳоло дар роҳи расидан ба маънавиёти баланд монеаҳои ҷиддӣ қариб вуҷуд надоранд, ба шарте ки дар мадди аввал манфиати давлату миллат қарор дошта бошад. Бинобар ин, барои баланд бардоштани сатҳи тафаккур ва дараҷаи худогоҳии падару модарони ҷавон бояд ҳамагон масъулият бар дӯш дошта бошанд.

Дар ҷамъомад намояндагони шуъбаи Вазорати корҳои дохилӣ дар шаҳри Ҳисор, сабти асноди ҳолати шаҳрвандӣ, шуъбаи кор бо занон ва оила оид ба ҳолатҳои ҷиноятсодиркунӣ ва қонуншиканиҳо миёни ноболиғон ва рафти иҷрои талаботи қонунҳои амалкунандаи Ҷумҳурии Тоҷикистон сухан гуфтанд. Инчунин  бо иштироки аҳли толор муколамаи озод доир гардида, нисбат ба масъалаҳои ироашуда, ки доғи рӯз маҳсуб меёбанд, сархатиби шаҳр, собиқадорони соҳаи маориф ва дигар фаъолони шаҳр андеша ва пешниҳодҳои ҷолиб баён доштанд.

АКС аз мақомоти иҷроияи ҳокимияти давлатии шаҳри Ҳисор

Октябрь 12, 2021 14:37

Хабарҳои дигари ин бахш

3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
Бонки Осиёи Рушд бо мақсади фарогирии хизматрасонии босифати тиббӣ ба ноҳияҳои таҷрибавӣ — Дарвоз, Данғара ва Айнӣ маблағи иловагӣ ҷудо менамояд