«ДУШАНБЕИ АФСОНАВӢ». «Шумон тур» хатсайри нави сайёҳӣ ба роҳ монд
ДУШАНБЕ, 18.10.2021 /АМИТ «Ховар»/. Бо иқдоми ширкати сайёҳии «Шумон тур» барои хонандагони мактаби хусусии «Нури ирфон»-и шаҳри Ҳисор тавассути хатсайри «Душанбеи афсонавӣ» саёҳати таърихию фарҳангӣ роҳандозӣ гардид.
Хатсайри сайёҳии «Душанбеи афсонавӣ» дар ҳамкорӣ бо бахшҳои маориф, ҷавонон ва сайёҳии Мақомоти иҷроияи ҳокимияти давлатии шаҳри Ҳисор таъсис дода шуда, ҳадафаш муаррифии мавзеъҳои таърихию бостонӣ ва фарҳангию фароғатии шаҳри Душанбе ба мактаббачагон мебошад.
Тавассути хатсайри «Душанбеи афсонавӣ» 16 октябр хонандагон ба шаҳри Душанбе омада, аз таъриху ташаккули давлатдории тоҷикон, бахусус дирӯзу имрӯзи пойтахти кишвар-шаҳри Душанбе огоҳӣ пайдо намуданд. Хонандагон муҷассамаи асосгузори нахустин давлати тоҷикон- шоҳ Исмоили Сомонӣ, рамзҳои асосии давлатдорӣ -Нишон ва Парчами давлатии Тоҷикистон ва «Кохи Наврӯз»-ро, ки яке аз шоҳкориҳои нотакрори фарҳанги тоҷикон аст, тамошо намуданд. Хонандагон зимни боздид аз «Осорхонаи миллӣ» бо таърихи қадима ва муосири халқамон шинос гардиданд. Дар маҷмӯъ хонандагон дар доираи хатсайри сайёҳии «Душанбеи афсонавӣ» доир ба таърихи гузашта ва муосири пойтахт, рушду пешрафт ва шукуфоии он ҳамчун шаҳри амну дӯстӣ, сулҳ ва фарҳангӣ маълумоти бештар гирифтанд.
Тавре дар суҳбат ба хабарнигори АМИТ «Ховар» мудири ширкати «Шумон тур» Бахтовар Аминзода иттилоъ дод, хатсайри сайёҳии «Душанбеи афсонавӣ» дар доираи Солҳои рушди деҳот, сайёҳӣ ва ҳунарҳои мардумӣ барои хонандагони муассисаҳои таълимии миёнаву олии кишвар ҷиҳати тарғибу ташвиқ ва муаррифии зарфияти сайёҳии мамлакат ба роҳ монда шудааст.
Ширкати сайёҳии «Шумон тур», ки дар шаҳри Ҳисор таъсис дода шудааст, моҳи августи соли равон вориди бозори сайёҳии Тоҷикистон гардид, ки рисолаш рушди туризми дохилӣ бо фарогирии сайёҳии табобатӣ, фарҳангӣ, аграрӣ ва экологӣ мебошад.
АКСҲО: ширкати сайёҳии «Шумон тур» ва манбаъҳои боз
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
