ХУШ ОМАДЕД! Имрӯз дар Душанбе Анҷумани VI омӯзгорону кормандони маорифи кишварҳои узви ИДМ ба кор оғоз мекунад
ДУШАНБЕ, 27.10.2021 /АМИТ «Ховар»/. 27-30 октябри соли 2021 дар шаҳри Душанбе Анҷумани VI омӯзгорон ва кормандони маорифи кишварҳои узви ИДМ таҳти унвони «Фазои таълимии Иттиҳоди Давлатҳои Мустақил- манбаи стратегии рушди устувор» ва нахустин Фестивали маҳорати педагогии омӯзгорон ва кормандони маорифи кишварҳои узви ИДМ баргузор мегардад. Дар он омӯзгорон ва кормандони соҳаи маорифи Тоҷикистон, Русия, Беларус, Арманистон, Қазоқистон, Қирғизистон ва Узбекистон иштирок намуда, рушди низоми маорифи кишварҳои узви ИДМ-ро баррасӣ мекунанд.
Дар доираи анҷуман гузаронидани ҷамъомадҳои пленарӣ, ҷаласаҳои мавзӯӣ, муҳокимаҳои панелӣ ва мизҳои мудаввар дар назар дошта шуда, дар он вакилони анҷуман дар бораи принсипҳои ҳамкорӣ дар такмили сифати таҳсилоти мактабӣ, рушди мобилии академикӣ ва вобаста ба пешравиҳо дар соҳаи технологияҳои инноватсионӣ мубодилаи афкор менамоянд.
Дар доираи анҷуман Фестивали 1-уми байналмилалии маҳорати педагогӣ баргузор мегардад. Дар охири фестивал дипломҳо дар се номина: «Муаллим», «Омӯзгор», «Равоншинос/педагоги иҷтимоӣ» тақдим карда мешаванд. Мукофоти дигаре, ки дар доираи анҷуман дода мешавад, маросими супоридани нишони сарисинагии «Аълочии маорифи Иттиҳоди Давлатҳои Мустақил» мебошад. Он ба беҳтарин омӯзгорон ва кормандони кишварҳои узви ИДМ дода мешавад.
Марҳилаи ниҳоии анҷуман қабули қатъномае хоҳад буд, ки соҳаҳо ва усулҳои ҳамкориро инъикос ва стратегияю абзорҳои ояндадори рушди маорифро дар ИДМ муайян мекунад.
Ташаббускорони анҷуман Вазорати маориф ва илми Ҷумҳурии Тоҷикистон бо дастгирии Фонди байнидавлатии ҳамкории башардӯстонаи кишварҳои узви Иттиҳоди Давлатҳои Мустақил (IFES) мебошанд.
ДАР АКСИ БОЛО: вакили Съезди VI муаллимон ва кормандони маорифи мамлакатхои узви ИДМ дар Душанбе — муаллими мактаби раками 15-и шахри Новополотски вилояти Витебски Беларус, ғолиби озмуни ҷумҳуриявии «Муаллими сол» Светлана Румянсева. Ҳамагӣ дар Анҷумани VI омӯзгорону кормандони маорифи ИДМ 20 нафар намояндагони Беларуси бародар бо сардории ҷонишини Вазири маорифи Ҷумҳурии Беларус Александр Кадлубаем иштирок мекунанд. Аксҳо аз манбаъҳои озод
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
