Кумакҳои башардӯстонаи Беларус дар ҳаҷми 40 тонна ба Тоҷикистон расиданд
ДУШАНБЕ, 25.10.2021 / АМИТ «Ховар» /. Беларус ба Тоҷикистон дар шакли электрогенераторҳо, хаймаҳо, маводи ғизоӣ ва дорувориҳо кумак расонид, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Маросими расмии супоридани 40 тонна бору маҳсулот 25 октябр бо ҳамоҳангии Вазорати ҳолатҳои фавқулодаи Беларус доир гардид.
Бори башардӯстонаро ҳайати Вазорати ҳолатҳои фавқулодаи Беларус бо сарварии ҷонишини вазир, генерал-майори хизмати дохилӣ Александр Худолеев ба Душанбе расонид.
Ҳайати Беларусро дар фурудгоҳи «Айнӣ» муовини Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, полковник Сулаймон Исозода пешвоз гирифта, ба ҷониби Беларус барои кумак ба аҳолии Ҷумҳурии Тоҷикистон изҳори сипос намуд.
Зикр шуд, ки ҳамкорӣ миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Вазорати ҳолатҳои фавқулодаи Беларус дар самти пешгирӣ ва рафъи пайомадҳои ҳолатҳои фавқулода баланд арзёбӣ мешавад.
АКСҲО : КҲФ ва МГ ҶТ
Ҳизби Халқии Демократии Тоҷикистон — ниҳоди мафкурасоз ва таҳкимбахши худшиносии миллӣ
Дар ноҳияи Айнӣ беморхонаи минтақавӣ бунёд карда мешавад
Таҷрибаи Тоҷикистон дар ислоҳоти соҳаи тандурустӣ дар доираи СҲШ муаррифӣ карда шуд
20 АПРЕЛ — РӮЗИ КОРМАНДОНИ МАҚОМОТИ АДЛИЯ. Ин мақомот сиёсати ҳуқуқии давлатро таъмин мекунад
МАСЛИҲАТИ МУТАХАССИС. Истеъмоли қулфинай фаромӯшхотириро кам мекунад
Муовини Сарвазири Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун вохӯрӣ намуд
ҲХДТ ва Ҳизби коммунистии Чин робитаҳоро густариш медиҳанд
Дар шаҳру ноҳияҳои вилояти Хатлон Фестивали ҷумҳуриявии «Дӯстии ҷавонон» баргузор мегардад
Доир ба татбиқи грантҳои Хазинаи пандемикӣ дар Тоҷикистон ҷаласа баргузор гардид
Бахшида ба Рӯзи пойтахт дар шаҳри Душанбе ҳамоиши сиёсӣ-фарҳангӣ баргузор шуд
Ҳайати Тоҷикистон дар Женева оид ба иҷрои уҳдадориҳои байналмилалӣ дар самти ҳифзи ҳуқуқи инсон гузориш пешниҳод намуд
Роҳҳои муассири мубориза бо чангу ғубор кадомҳоянд?
