Нозирони Ассамблеяи байнипарлумонии ИДМ бо роҳбарияти Вазорати корҳои хориҷии Узбекистон мулоқот карданд

Октябрь 23, 2021 11:03

ДУШАНБЕ, 23.10.2021  /АМИТ «Ховар»/. Имрӯз дар  шаҳри Тошканди Ҷумҳурии Узбекистон  нозирони Ассамблеяи байнипарлумонии Иттиҳоди Давлатҳои Мустақил  (ИДМ) таҳти роҳбарии ҳамоҳангсози гурӯҳ, муовини аввали раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода бо муовини Вазири корҳои хориҷии Ҷумҳурии Узбекистон  Фарход Арзиев мулоқот намуданд, иттилоъ дод котиби матбуотии Маҷлиси намояндагон Муҳамадато Султонов ба АМИТ «Ховар».

Дар мулоқот  ҷанбаҳои гуногуни омодагӣ ба овоздиҳӣ, пеш аз ҳама ташкили мушоҳидаҳои байналмилалӣ дар қитъаҳои интихоботӣ, таъмини амалӣ намудани изҳори ирода барои шаҳрвандони хориҷие, ки дар хориҷи кишвар ҳастанд, баррасӣ шуд.

Фарход Арзиев зикр намуд, ки  54 қитъаи интихоботӣ дар 38 кишвари ҷаҳон кушода шуда, илова бар ин, беш аз 300 нуқтаи сайёр барои овоздиҳии пеш аз муҳлат ба шаҳрвандони Ҷумҳурии Узбекистон дар ҷойҳои иқоматашон дар хориҷа ташкил карда шудааст.

Ба гуфтаи Фарҳод Арзиев,  Вазорати корҳои хориҷии Узбакистон барои иштироки нозирон дар  интихоботи қарибулвуқӯъ ба 21 созмони байналмилалӣ даъватнома фиристодааст.

Нозирон аз АБ  ИДМ ба вазир дар бораи принсипҳои гурӯҳи мониторинг ва барномаи кори он дар рӯзи овоздиҳӣ 24 октябри соли 2021 маълумот доданд.

Нозирони Ассамблеяи байнипарлумонии ИДМ на танҳо дар Тошканд ва  минтақаҳои Ҷумҳурии Узбекистон, балки дар 14 давлати ҷаҳон низ мушоҳида мегузаронанд. Аз ҷумла, дар ҳудуди кишварҳои ИДМ, ба мисли Озарбойҷон (Боку), Беларус (Минск), Қазоқистон (Алмаато), Қирғизистон (Бишкек), Русия (Москва, Санкт-Петербург, Екатеринбург, Қазон, Ростови лаби Дон), Тоҷикистон (Душанбе) ва хориҷа — Белгия (Брюссел), Британияи Кабир (Лондон), Италия (Рум), Чин (Пекин), Латвия (Рига), Туркия (Анкара), Олмон (Берлин, Франкфурти лаби Майн) ва Фаронса (Париж) ). Маълумоте, ки дар рафти мушоҳидаҳо гирифта мешавад, инчунин ба хулосаи ниҳоии нозирони байналмилалии Ассамблеяи байнипарлумонии ИДМ  дар интихоботи Президенти Ҷумҳурии Узбекистон дохил карда мешавад.

Ёдовар мешавем, ки намояндаи Маҷлиси Олии Ҷумҳурии Тоҷикистон Бахтовар Сафарзода дар Ассамблеяи байнипарлумонии ИДМ иштирок намуд.

АКС аз Маҷлиси намояндагони Маҷлиси Олии ҶТ

Октябрь 23, 2021 11:03

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид