Ба шарафи Рӯзи милитсия ба ШВКД-1-и шаҳри Исфара мошини хизматӣ туҳфа гардид
ДУШАНБЕ, 09.11.2021 /АМИТ «Ховар»/. Имрӯз дар шаҳри Исфара бахшида ба Рӯзи милитсия бо иштироки роҳбарияти мақомоти иҷроия, ҳайати шахсии шуъбаҳои 1-ум ва 2-юми Вазорати корҳои дохилии Ҷумҳурии Тоҷикистон дар ин шаҳр, собиқадорон, иштирокдорони таҳкими сохти конститутсионӣ ва оилаҳои кормандоне, ки зимни иҷрои вазифаҳои хизматӣ фавтидаанд, ҷамъомади тантанавӣ баргузор гардид. Зимни ҳамоиш аз ҷониби мақомоти иҷроияи ҳокимияти давлатии шаҳри Исфара ба ШВКД-1-и шаҳр мошини хизматӣ тақдим карда шуд, иттилоъ медиҳад АМИТ “Ховар” бо истинод ба мақомоти иҷроияи ҳокимияти давлатии шаҳри Исфара.
Раиси шаҳри Исфара Баҳоваддин Баҳодурзода кормандони мақомоти корҳои дохилиро ба ифтихори Рӯзи милитсия шодбош гуфта, иброз намуд, ки “кормандони ин ниҳод дар давраи соҳибистиқлолии давлатамон санҷишҳои талхи таърихиро паси сар намуда, дар таъмини амнияти давлату миллат саҳми арзанда гузошта, борҳо исбот намудаанд, ки барои онҳо арзишҳои Ватан, Истиқлолият, Ваҳдат волою муқаддас мебошанд. Мақомоти корҳои дохилӣ чун пештара дар мубориза бо ҳама гуна ҷинояткориҳо, хосса дар самти пешгирӣ ва ошкор намудани ҷиноятҳои дорои хусусияти террористиву экстремистӣ пешоҳанг буда, имрӯз бо таҷҳизоту дастгоҳҳои замонавӣ таъмин гардида, сатҳи дониш ва малакаи касбии ҳайати шахсū боло меравад”.
Милитсияи тоҷик аз оғози фаъолияти худ дар ҳифзи тартиботи ҷамъиятӣ, таҳкими қонунҳои амалкунанда ва мубориза бар зидди ҷинояткорӣ роҳи пуршараферо тай намудааст.
Раиси шаҳр аз хатарҳои ҷаҳони имрӯза ёдовар шуда, милитсияро дар муқобили ҳама гуна ҷиноятҳо мақомоти фаъол ва қудратманд номид.
Дар охири ҳамоиш дар вазъияти тантанавӣ ба як гурӯҳ кормандон ва собиқадорони соҳа барои ҳисси баланди масъулиятшиносӣ, садоқат ба Ватану миллат, пуршарафона иҷро намудани вазифаҳои хизматӣ, иштироки фаъолона дар таъмини тартиботи ҷамъиятӣ ифтихорномаву сипоснома, рутбаҳои навбатӣ ва туҳфаҳои хотиравū супорида шуданд.
Дар арафаи иди касбӣ бо нишони қадршиносии қаҳрамониву ҷонфидоии насли куҳансол аз ҷониби роҳбарияти мақомоти корҳои дохилӣ собиқадорони соҳа аёдат ва ба онҳо кумакҳои моддӣ расонида шуданд.
АКСҲО: МИҲД-и шаҳри Исфара
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
