Ба сӯи Замин астероид ба андозаи бурҷи Эйфел парвоз мекунад

ДУШАНБЕ, 09.11.2021 /АМИТ «Ховар»/. Астероиди 4660 Nereus 11 декабр ба Замин наздик мешавад ва аз сайёра дар масофаи тақрибан 3,9 миллион километр парвоз мекунад. Ба иттилои  АМИТ «Ховар», дар ин бора NASA* хабар медиҳад.

 Объект аз ҷониби агентӣ ҳамчун “иқтидори хатарнок” тасниф шудааст. Дарозии ҷирми осмонӣ 330 метр аст. Барои муқоиса, баландии бурҷи Эйфел ба 300 метр мерасад.

Бо вуҷуди ин, ба гуфтаи NASA, астероид бори дигар танҳо соли 2112 ба Замин ин қадар наздик мешавад. Дар он вақт масофаи камтарин миёни он ва сайёра, тахминан, қариб 2,6 миллион километр хоҳад буд.

_____________

*NASA — Идораи миллӣ оид ба ҳавопаймоӣ ва таҳқиқи фазои кайҳон; Агентии федералии ҳукуматии ИМА.

АКС: NASA