Дар ноҳияи Темурмалик кишти тирамоҳии ғалладона оғоз гардид
ТЕМУРМАЛИК, 17.11.2021 /АМИТ «Ховар»/. Кишоварзони ноҳияи Темурмалик ба кишти тирамоҳии ғалладона оғоз намуданд. Ба ин хотир мошинолоти зарурӣ ба кор сафарбар шуда, деҳқонон бо истифода аз таҷрибаи пешқадам ба шудгори заминҳои лалмӣ камар бастаанд. Дар ҳудуди ноҳияи Темурмалик 12 ҳазору 636 гектар заминҳои корам мавҷуданд, ки аз ин ҳисоб 736 гектари онро заминҳои обӣ буда, самаранок истифода бурда мешаванд. Иқлим ва заминҳои ноҳия барои кишту парвариши зироати гуногун, аз ҷумла гандум, ҷав, зағир ва лубиёгиҳо мусоид аст, хабар медиҳад мухбири минтақавии АМИТ «Ховар».
Миёни мутахассисону деҳқонон оид ба дараҷаи намнокии замин, интихоби навъҳои серҳосили гандум ва истифодаи дурусти қоидаҳои агротехникӣ табодули таҷриба сурат мегирад. Ба иттилои сардори идораи кишоварзии ноҳия Юсуф Аваззода, имсол хоҷагидорон тибқи дурнамо дар майдони беш аз 10 ҳазор гектар гандум кишт мекунанд. Аъзои Хоҷагии тухмипарварии ба номи Ҷалолиддин Румӣ, ки 1350 гектар замин барои кишти гандум доранд, ҳар сол аз аввалинҳо шуда, ба кишту кор шурӯъ менамоянд ва дар таъмини кишоварзон бо тухмиҳои серҳосил саҳм мегузоранд.
Тавре роҳбари хоҷагӣ Алишер Қароқулов иттидоъ дод, онҳо соли равон аз ҳар гектар заминҳои лалмӣ аз 18 то 20-сентнерӣ ҳосили гандум ҷамъоварӣ намуданд.
«Имсол 16 тонна гандуми заҳролудшуда дар анборҳо захира кардаем, ки навъҳои тухмии минтақабоби ба иқлим мувофиқ мебошанд»,-гуфт роҳбари хоҷагӣ.
Ба гуфти масъулини идораи кишоварзии ноҳия, барои сари вақт анҷом додани корҳои кишоварзӣ 195 техникаи зарурӣ, пеш аз ҳама, 136 адад тракторҳои ҷуфтгар дар хати тайёр қарор доранд ва деҳқонон бо истифода аз чунин заминаҳои моддию техникӣ корҳои кишоварзии худро бе мушкил ба анҷом мерасонанд.
Деҳқонони ноҳия ният доранд имсол низ яке аз аввалинҳо шуда, шудгор ва кишту кори тирамоҳиро сари вақт ба анҷом расонанд ва ба ин восита ҳам худ фоида гиранду ҳам бозори истеъмолиро бо маҳсулоти худӣ таъмин намоянд.
АКС: мақомоти иҷроии ҳокимияти давлатии ноҳии Темурмалик
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
