Дар Вазорати рушди иқтисод ва савдои Тоҷикистон бо роҳбари Маркази тиҷоратии «Фикри бартар»-и Эрон мулоқот доир гардид
ДУШАНБЕ, 24.12.2021 /АМИТ «Ховар»/. 22 декабр муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо роҳбари Маркази тиҷоратии «Фикри бартар»-и Ҷумҳурии Исломии Эрон хонум Париноз Пешдодиён мулоқот намуд, ки ҳадафи он аз тақвият бахшидан ба ҳамкории тиҷоративу иқтисодӣ иборат буд, хабар доданд аз Вазорати рушди иқтисод ва савдои ҷумҳурӣ ба АМИТ «Ховар».
Зимни вохӯрӣ Абдураҳмон Абдураҳмонзода зикр намуд, ки рушди ҳамкории мутақобилан судманд ва муносибатҳои ду кишвар бо шарофати сиёсати оқилона ва дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Иброҳим Раисӣ ба сатҳи сифатан нав баромадааст.
Дар 11 моҳи соли 2021 ҳаҷми гардиши савдои хориҷӣ бо Ҷумҳурии Исломии Эрон 93,2 млн. доллари ИМА-ро ташкил дода, нисбат ба ҳамин давраи таҳлилии соли 2020 44,6 млн. доллар афзоиш ёфтааст. Вазни хоси гардиши мол бо Ҷумҳурии Исломии Эрон дар ҳаҷми умумии гардиши савдои хориҷии Ҷумҳурии Тоҷикистон дар ин давра 1,7%-ро ташкил дода, дар сохтори гардиши савдои хориҷии Ҷумҳурии Тоҷикистон дар ҷойи 9-ум қарор дорад.
А. Абдураҳмонзода ҷиҳати боз ҳам рушд додани ҳамкории тиҷоративу иқтисодӣ пешниҳод намуд, ки дар ҳудуди минтақаҳои озоди иқтисодии Тоҷикистон корхонаҳои муштарак оид ба истеҳсоли обҳои минералӣ, хамираи помидор ва консерва таъсис дода шаванд. Хонум Париноз Пешдодиён пешниҳоди мазкурро хуш пазируфта, иброз намуд, ки ин ташаббус барои боз ҳам тақвият бахшидан ба ҳамкории тиҷоративу иқтисодии ду кишвар мусоидат хоҳад намуд.
Ҳамзамон дар вохӯрӣ омода ва ба имзо расонидани Ёддошти тафоҳум оид ба ҳамкорӣ миёни минтақаҳои озоди иқтисодии Тоҷикистон ва маркази мазкур, инчунин масъалаҳои муҳими ҳамкории минбаъдаи тиҷоративу иқтисодӣ ва сармоягузорӣ мавриди баррасии ҷонибҳо қарор гирифтанд.
Дар анҷоми мулоқот ҷонибҳо омодагии худро барои боз ҳам густариш додани ҳамкории мутақобилан судманд ва татбиқи масъалаҳои зикршуда баён намуданд.
АКС: Вазорати рушди иқтисод
Дар семоҳаи аввали соли 2022 аз ҳисоби андозҳо ва дигар пардохтҳои ҳатмӣ ба буҷети давлатӣ беш аз 3,5 млрд сомонӣ ворид карда шуд
ПАНҶСОЛАИ РУШДИ САНОАТ. Дар шаҳри Бохтар корхонаи коркарди гӯгирд мавриди истифода қарор мегирад
ТАВАҶҶУҲ! Шурӯъ аз 1 май дар шоҳроҳи Душанбе-Чаноқ маҳдудияти мавсимӣ ҷорӣ мешавад
Ба Қонуни Ҷумҳурии Тоҷикистон «Дар бораи ҳифзи муҳити зист» тағйирот ворид гардид
Бозиҳои II кишварҳои ИДМ, шабеҳи Спартакиадаи халқҳои ИҶШС, аз 3 то 15 авусти соли 2023 дар Беларус баргузор мегарданд
КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
