Дар Бохтар масъалаҳои баробарии гендерӣ баррасӣ шуданд
ДУШАНБЕ, 20.01.2022 /АМИТ «Ховар»/. 18-19 январ дар шаҳри Бохтар таҳти унвони «Инъикоси иқтидори гендерӣ дар ВАО-и тоҷик» барои рӯзноманигорон ҳамоиш баргузор шуд. Дар ин бора хабарнигори АМИТ «Ховар» Зулайхо Ғоибова хабар медиҳад.
Ташкилкунандагони ҳамоиш Иттифоқи журналистони Тоҷикистон, Созмони ҷамъиятии «Зан ва ҷомеа» ва ширкати телевизион ва радиои СМ-1 мебошанд.
Ҳадаф аз баргузории ҳамоиш рушди баробарии гендерӣ дар Тоҷикистон ва ҳифзи ҳуқуқи занон дар кишвар мебошад.
Тавре иштирокдорон зикр намуданд, дар мамлакати мо барои коҳиш додани мушкилоти гендерӣ бо аҳолӣ корҳои зиёде анҷом дода мешаванд. Дар ин самт воситаҳои ахбори омма нақши калон мебозанд, зеро онҳо мавзӯъро инъикос намуда, дар ҳалли ин масоил саҳм мегузоранд.
Нобаробарии гендерӣ маҳз дар оилаҳо зуд-зуд ва ба таври дардовар зуҳур мекунад ва бартараф кардани он кори хеле мушкил аст.
Дар робита ба ин мавзӯъ аз суханони Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин иқтибос оварда шуд: «Нақши занон дар бунёди ҷомеаи демократӣ ва дунявӣ хеле бузург аст. Мо бояд ҳамеша дар хотир дошта бошем, ки зан-модар офаридаи муқаддас аст, зеро тамоми бузургони ҷаҳон, хоҳ ходими давлатӣ, сиёсатмадор ва ё олим, аз ҷумла Паёмбари ислом аз модар ба дунё омада, бо шири модар ба воя расидаанд».
АКС: АМИТ «Ховар»
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
