Дар Душанбе ду маркази савдои «bi1» ифтитоҳ гардиданд
ДУШАНБЕ, 28.01.2022 /АМИТ Ховар»/. 27 январ дар Душанбе маросими тантанавии ифтитоҳи супермаркетҳои нави «bi1» дар ноҳияи Сино, кӯчаи М.Шерализода, 17 ва ноҳияи Фирдавсӣ, кӯчаи Борбад, 108/2 маркази Мардон баргузор гардид, хабар медиҳад хабарнигори АМИТ «Ховар».
Дар маросими ифтитоҳи бинои нави марказ ва мағоза намояндагони Ҳукумати Ҷумҳурии Тоҷикистон, мақомоти иҷроияи ҳокимияти давлатии шаҳри Душанбе, мақомоти иҷроияи ҳокимияти давлатии ноҳияҳои Сино ва Фирдавсӣ, инчунин меҳмонону сокинон иштирок намуданд.
Мавриди зикр аст, ки мағозаи аввалини бренди “bi1” дар маҳаллаи Испечаки шаҳри Душанбе, дуюмаш дар шаҳри Ҳисор, баъдан дар дигар маҳаллаҳои шаҳри Душанбе низ ин мағозаҳо кушода шуданд.
Ногуфта намонад, ки бо даъвати соҳибкорони ватанӣ роҳбарияти ширкати фаронсавии “Шивер Интернейшнл” Гипермаркети нахустини “Ашан”-ро дар Осиёи Марказӣ дар Тоҷикистон ифтитоҳ намуд, ки алҳол фаъолият дорад. Мағозаи “bi1” яке аз шохаҳои ин гипермаркет мебошад.
Директори генералии ҶСП “Шивер Тоҷикистон” Филипп Марсийон зикр кард, ки ҳадаф он аст, ки марказҳо тибқи стандартҳои аврупоӣ ташкил шуда, дар он ҷамъовариву нигаҳдории молу маҳсулоти мавриди ниёзи аввали мардум ба роҳ монда шавад. Бо назардошти он ки Тоҷикистон давлати аграрист, содироти маҳсулоти кишоварзӣ, сабзавот, меваву маҳсулоти ширӣ, меваи хушк, маҳсулоти консервашуда, обҳои менералиро метавон тавассути силсиламағозаҳои “Ашан” ба дигар кишварҳои хориҷӣ афзоиш дода, ба ин восита иқтисодиёти Тоҷикистонро рушд дод.
Дар ҶСП “Шивер Тоҷикистон” аз оғози ифтитоҳ 331 корманд фаъолият менамоянд, ки аз онҳо 115 нафар занон ва духтарон мебошанд. Инчунин 3 нафарашон мутахассисони хориҷиянд, ки бо мақсади омӯзонидани кормандони маҳаллӣ омадаанд.
Дар ширкати мазкур Академияи Шивер ташкил шудааст, ки кормандон дар он малакаи баланди касбӣ, муомилаву муошират бо мизоҷон, услуби корбарӣ меомӯзанд ва дар охир соҳиби сертификат мегарданд.
Ҷамъияти Саҳомии Пӯшидаи «Шивер Тоҷикистон» моҳи июни соли 2014 аз ҷониби Ҷамъияти Саҳомии Пӯшидаи “Евразия”, Бонки аврупоии таҷдид ва рушд ва Ширкати оилавии фаронсавии “Шивер Интернейшнл” таъсис ёфтааст. Ин ширкат нуфузи ҷаҳонӣ дошта, дар кишварҳои гуногун зиёда аз 3000 маркази савдо — гипермаркет дорад.
София ШОИК,
АМИТ «Ховар»
АКСҲО: АМИТ «Ховар»
НИШАСТИ МАТБУОТӢ. Соли 2024 ҳаҷми истеҳсоли маҳсулоти саноатӣ дар шаҳри Душанбе ба 5,2 миллиард сомонӣ баробар гардид
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
