Дар мақомоти Ваколатдор оид ба ҳуқуқи инсон доир ба тавзеҳи Паёми Президенти Тоҷикистон ҳамоиш доир шуд
ДУШАНБЕ, 06.01.2022 /АМИТ «Ховар»/. 6 январ дар мақомоти Ваколатдор оид ба ҳуқуқи инсон дар Ҷумҳурии Тоҷикистон бо иштироки роҳбарият ва ҳайати кормандон оид ба шарҳу тавзеҳи нуктаҳои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳамоиш баргузор гардид, хабар доданд ба мухбири АМИТ “Ховар” аз хадамоти матбуоти ин ниҳод.
Зимни ҳамоиш Умед Бобозода оид ба аҳамияти бузурги Паём ва дастуру супоришҳои Пешвои миллат дар рушди Тоҷикистони соҳибистиқлол, нақши мақомоти Ваколатдор оид ба ҳуқуқи инсон дар Ҷумҳурии Тоҷикистон ҳамчун ниҳоди мусоидаткунанда ба ҳифзи ҳуқуқҳои инсон дар самти баланд бардоштани маърифати аҳолӣ ва қабулу баррасии муроҷиатҳои шаҳрвандон сухан гуфт.
Дар ҷараёни ҳамоиш паҳлуҳои иқтисодӣ, иҷтимоӣ, сиёсӣ ва фарҳангии Паёми Президенти Ҷумҳурии Тоҷикистон аз ҷониби масъулини мақомоти Ваколатдор оид ба ҳуқуқи инсон таҳлил, баррасӣ ва тавзеҳ дода шуданд.
Зикр шуд, ки бо дарназардошти дастуру супоришҳои Пешвои миллат мақомоти Ваколатдор оид ба ҳуқуқи инсон дар Ҷумҳурии Тоҷикистон бояд фаъолияташро тақвият бахшида, ҷиҳати дар амал татбиқ намудани сиёсати хирадмандона ва иқдомҳои наҷибонаи Пешвои миллат муҳтарам Эмомалӣ Раҳмон тамоми неру ва имкониятро сафарбар намояд.
Гуфта шуд, ки давлат муносибатҳои ҷамъиятиро маҳз тавассути қонунҳо ба танзим медарорад ва қонунҳо ҳамчун ҳуҷҷати дорои қувваи баланди ҳуқуқӣ муносибати байниҳамдигарии одамонро ба танзим медароранд.
Барои он ки қонунҳои босифат қабул карда шаванд, зарур аст тамоми мушкилоти мавҷуда дар самти раванди ҳуқуқэҷодкунӣ ва фаъолияти назорати иҷрои қонунҳо мавриди таҳлил ва хулоса қарор дода шаванд.
Роҳбарияти мақомот Паёми Президенти мамлакатро дар вазъияти пуртазоди имрӯза муҳим арзёбӣ намуда, иброз намуданд, ки ҳар хизматчии давлатӣ дар иҷрои нуктаҳои асосии он бояд саҳм гузорад.
Дарвоқеъ, Паёми Президенти Ҷумҳурии Тоҷикистон муҳтарам Эмомалӣ Раҳмонро ҳамасола тамоми қишрҳои ҷомеа – намояндагони касбу кори гуногун бесаброна интизор мешаванд. Зеро Паём сарчашмаи боэътимод, махзани иттилоот ва маълумоти омории амиқу дақиқ, таҳлилу хулосарониҳои мантиқиву бебаҳс, дастуру супоришҳои ҳидояткунанда ба сӯи ояндаи дурахшон мебошад.
АКС: Хадамоти матбуоти ВҲИ ҶТ
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
