Дар шаҳри Москва масъалаҳои ҳамкории кишварҳои Осиёи Марказӣ дар соҳаи обу энергетика, муҳити зист ва иқлим баррасӣ шуданд
ДУШАНБЕ, 06.01.2022 /АМИТ «Ховар»/. Чанде қабл дар шаҳри Москваи Федератсияи Русия вохӯрии коршиносони кишварҳои Осиёи Марказӣ оид ба баррасии лоиҳаи Стратегияи Маркази минтақавии СММ оид ба дипломатияи боздоранда барои Осиёи Марказӣ (UNRCCA) бо мақсади роҳандозии ҳамкории минтақавӣ дар соҳаи обу энергетика ва экология барои солҳои 2022-2025 баргузор гардид, ки дар он сардори Раёсати мониторинг, сиёсати экологӣ, обуҳавошиносӣ ва кадастри Кумитаи ҳифзи муҳити зист Исфандиёр Шукуров Тоҷикистонро намояндагӣ намуд, иттилоъ медиҳад мухбири АМИТ “Ховар” бо истинод ба Кумитаи ҳифзи муҳити зист.
Зимни вохӯрии мазкур лоиҳаи матни навшудаи UNRCCA таҳти унвони «Стратегияи UNRCCA оид ба дастгирии ҳамкории кишварҳои Осиёи Марказӣ дар соҳаи обу энергетика, муҳити зист ва иқлим барои солҳои 2022-2025» такмил дода шуд.
Аз ҷониби намояндаи Ҷумҳурии Тоҷикистон бо назардошти мавқеъ ва манфиатҳои миллӣ ба лоиҳаи мазкур таклифҳои асоснок пешниҳод ва ба назар гирифта шуданд.
Стратегияи мазкур метавонад ҳамчун платформаи муколама ба ҳалли масъалаҳо ва муносибатҳои минтақавӣ дар соҳаи захираҳои обу энергетика, муҳити зист ва иқлим, инчунин фароҳам овардани шароити мусоид барои ҷустуҷӯи роҳҳои ҳалли дарозмуддати ба ҳамдигар қобили қабул ва судманд барои давлатҳои Осиёи Марказӣ мусоидат кунад.
Иштирокчиёни ҳамоиш ҳамчунин аз Институти умумирусиягии илмӣ-тадқиқотии гидротехника ва мелиоратсияи ба номи А. Костяков боздид намуда, доир ба таҷрибаи пешқадам дар идоракунии захираҳои обҳои фаромарзӣ, ҳалли мушкилоти коҳиш додани тағйирёбии иқлим, аз ҷумла, равишҳои инноватсионӣ ва технологии мубориза бо хушкӣ, таъмини об ва оби тоза мубодилаи афкор намуданд.
АКС: Кумитаи ҳифзи муҳити зист
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
