Дар ҳарими ҳавоии Украина парвозҳои авиатсияи гражданӣ маҳдуд шуданд

ДУШАНБЕ, 24.02.2022 /АМИТ «Ховар»/. Парвозҳои авиатсияи гражданӣ дар ҳарими Украина бинобар таҳдидҳои эҳтимолӣ маҳдуд карда шудаанд, бармеояд аз NOTAM, ки рӯзи панҷшанбе дар сомонаи Идораи федералии авиатсияи ИМА (ФАУ) нашр шудааст. Дар ин бора АМИТ «Ховар» бо истинод ба ТАСС хабар дод.

NOTAM – иттилооти фаврӣ дар бораи тағйирот ба қоидаҳои иҷро ва таъмини парвозҳо, инчунин иттилооти аэронавигатсия мебошад.

«Парвозҳои ҳавопаймоҳои шаҳрвандӣ ба фурудгоҳҳои Киев, Днепр, Лвов ва Одесса бинобар таҳдидҳо ба авиатсияи гражданӣ маҳдуд шудаанд», — гуфта мешавад дар гузориш.

Қаблан нашрияи махсуси Avianews хабар дода буд, ки фурудгоҳҳои Харков ва Днепрро шоми чоршанбе то субҳи панҷшанбе муваққатан бастанд. Ҳамчунин 22 феврал намояндаи милитсияи мардумии ҶМД Эдуард Басурин дар бораи хатари эҳтимолӣ ба ҳавопаймоҳои мусофирбар дар фазои Украина иброз дошт. Дар ин бора ӯ зимни брифинг бо намояндагони ВАО хабар дод.

АКС аз манбаъҳои боз