Рустами Эмомалӣ ва Валентина Матвиенко аз Литсей-интернати президентӣ ва ҷараёни корҳои сохтмонӣ дар мактабе, ки аз ҷониби Русия сохта мешавад, боздид намуданд

Февраль 25, 2022 17:14

ДУШАНБЕ, 25.02.2022 /АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ва Раиси Шӯрои Федератсияи Маҷлиси Федералии Федератсияи Русия Валентина Матвиенко, ки бо сафари расмӣ ба Тоҷикистон ташриф овард, дар хиёбони Исмоили Сомонии шаҳри Душанбе бо ҷараёни корҳои сохтмонӣ дар Муассисаи таҳсилоти миёнаи умумӣ барои 1224 хонанда шинос шуданд.

Муассисаи таълимӣ дар доираи татбиқи «Созишномаи байни Ҳукумати Ҷумҳурии Тоҷикистон ва Ҳукумати Федератсияи Русия аз 17 апрели соли 2019 оид ба сохтмон ва муҷаҳҳазгардонии моддию техникии муассисаҳои таҳилоти миёнаи умумӣ бо забони русӣ барои 1224 ҷойи нишаст дар шаҳрҳои Душанбе, Кӯлоб, Хуҷанд, Бохтар ва Турсунзода» бунёд мегардад.

Дар ҳамин ҷо ҳамчунин муҳтарам Рустами Эмомалӣ ва муҳтарам Валентина Матвиенко тавассути видеоконференсия бо рафти корҳои сохтмонӣ дар муассисаи таълимии дигар, ки дар доираи ин созишнома бунёд мегарданд, шинос шуданд.


Имрӯз ҳамчунин Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва Раиси Шӯрои Федератсияи Маҷлиси Федералии Федератсияи Русия муҳтарам Валентина Матвиенко ба муассисаи давлатии «Литсей-интернати Президентӣ барои кӯдакони лаёқатманди Ҷумҳурии Тоҷикистон» дар ноҳияи Синои шаҳри Душанбе ташриф оварданд.

Дар муассисаи мазкур айни замон 1880 хонанда таҳсил гирифта, ба онҳо 106 омӯзгори соҳибтаҷриба таълиму тарбия медиҳанд. Аз ҷумла дар доираи лоиҳаи башардӯстонаи «Омӯзгори русиягӣ дар хориҷа» дар литсей-интернат 5 омӯзгори русиягӣ ба хонандагон дарс меомӯзанд.


Зимни боздид аз Литсей-интернати президентӣ барои кӯдакони лаёқатманди Ҷумҳурии Тоҷикистон муҳтарам Рустами Эмомалӣ ва муҳтарам Валентина Матвиенко бо ҷараёни машғулият дар синфхонаҳои фаннӣ, инчунин шароиту имконияти таълимию илмомӯзӣ шинос шуда, бо як қатор омӯзгорони Федератсияи Русия, ки дар доираи лоиҳаи башардӯстонаи «Омӯзгори русиягӣ дар хориҷа» дар муассисаҳои таълимии шаҳри Душанбе ва шаҳру ноҳияҳои атрофи он фаъолият менамоянд, суҳбат анҷом доданд.


Нимаи дуюми имрӯз Раиси Шӯрои Федератсияи Маҷлиси Федералии Русия Валентина Матвиенко дар доираи сафари расмӣ ба Тоҷикистон бо нишони эҳтиром ба арзишҳои волои миллӣ, таърих ва фарҳангу тамаддуни миллати тоҷик дар пояи муҷассамаи Шоҳ Исмоили Сомонӣ гулчанбар гузошт.


Дар ин маросим муҳтарам Валентина Матвиенкоро намояндагони расмии Маҷлиси миллии Маҷлиси Олии Ҷумҳурии Тоҷикистон ва мақомоти иҷроияи ҳокимияти давлатии шаҳри Душанбе ҳамроҳӣ карданд.

 

АКСҲО: АМИТ «Ховар»

Февраль 25, 2022 17:14

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст