35-СОЛАГИИ ИСТИҚЛОЛИ ДАВЛАТӢ. Дар Конибодом бунёди 40 адад иншооти соҳаи маориф дар назар аст

Апрель 30, 2022 11:28

ДУШАНБЕ, 30.04.2022. /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Конибодом бунёди 40 адад иншооти соҳаи маориф дар назар дошта шудааст, ки дар ин муассисаҳои таълимӣ қариб 5 ҳазор ҷойи нишаст барои хонандагон ва хурдсолон  фароҳам мегарданд. Айни замон  корҳои сохтмонии мактабу кӯдакистонҳо дар шаҳр бомаром идома доранд, хабар доданд  ба АМИТ «Ховар» дар Хадамоти матбуоти Раиси вилояти Суғд.

Раиси вилояти Суғд Раҷаббой Аҳмадзода 28 апрел  ба шаҳри Конибодом сафари корӣ анҷом дода, бо ҷараёни корҳои сохтмонии иншооти соҳаи маориф шинос гардид.

Раиси вилоят  бо ҷараёни корҳои сохтмони кӯдакистони нав дар Ҷамоати деҳоти ба номи Абулқосим Лоҳутии шаҳр, ки барои 120 нафар хурдсол  пешбинӣ шудааст, дидан намуд.

Тибқи иттилои масъулин, кӯдакистони мазкур бо дастгирии мақомоти иҷроияи ҳокимияти давлатии вилояту шаҳр ва саҳми аҳолӣ сохта шуда, барои иҷрои корҳои сохтмонии он  дар маҷмӯъ беш аз 3 миллион сомонӣ равона карда мешавад. Дар айни замон дар шаҳр 22 кӯдакистон фаъолият дошта, 4400 нафар хурдсолон ба таълиму тарбия фаро гирифта шудаанд.

Дар деҳаи Маданияти Ҷамоати деҳоти Куҳандиёр барои хонандагони муассисаи таҳсилоти миёнаи умумии рақами 15 бинои нави таълимӣ сохта шуда, иншоот бо лавозимоти зарурии дарсӣ таъмин хоҳад шуд. Бинои нави таълимӣ аз ду ошёна иборат буда, дар  он дар як баст 320 нафар таҳсил мекунанд. Дар бунёди мактаби нав мақомоти давлатӣ ва соҳибкори инфиродӣ Анвар Иброҳимов саҳм гузошта, маблағи лоиҳавии сохтмон 8 миллион сомониро ташкил медиҳад. Бинои кӯҳнаи мактаби мазкур соли 1968 сохта шуда, айни замон 374 хонанда дар он таҳсили худро давом дода истодаанд.

Дар муассисаи таҳсилоти томактабии рақами 2-и  шаҳр низ корҳои сохтмонии бинои нав шурӯъ гардида, он бо саҳми соҳибкорону саховатмандон ва дастгирии мақомоти маҳаллӣ ба итмом расонида мешавад. Кӯдакистони нав барои 120 нафар пешбинӣ гардида, баҳри таълиму тарбияи хурдсолон  дар  он шароити зарурӣ фароҳам оварда мешавад.

Раҷаббой Аҳмадзода зимни шиносоӣ бо  ҷараёни  корҳои  сохтмонии  иншооти мазкур таъкид кард, ки соҳаи маориф дар меҳвари сиёсати  Пешвои миллат  муҳтарам Эмомалӣ Раҳмон қарор дошта, ҳамасола барои рушди соҳа маблағҳои зарурӣ ҷудо мегарданд. Ба соҳаи маорифи вилоят дар семоҳаи якуми соли равон аз ҳисоби буҷети вилоят 270,2 млн сомонӣ равона гардида, маблағгузорӣ ба ин соҳаи муҳим сол ба сол  меафзояд.

Раиси вилоят ҳамзамон барои бо сифати баланд бунёд намудани муассисаҳои соҳаи маориф ба роҳбарияти шаҳр супориш дода, иброз дошт, ки ба таълиму тарбияи насли наврас, бахусус дар  рӯҳияи ватандӯстӣ ба камол расидани  онҳо бояд диққати махсус зоҳир карда шавад.

АКС: Хадамоти матбуоти Раиси вилояти Суғд

Апрель 30, 2022 11:28

Хабарҳои дигари ин бахш

Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Тоҷикистон оғоз гардид
Муовини Вазири маориф ва илм Зиёдулло Абдулзода бо кормандони соҳаи маорифи шаҳри Хоруғ мулоқот кард
Дар ноҳияи Деваштич таваллудхонаи муосир мавриди истифода қарор дода шуд
Аз 1 июл даврии асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ оғоз мегардад
Вазири маориф ва илми Тоҷикистон дар муколламаи кишварҳои Шарикии глобалӣ оид ба маориф иштирок ва суханронӣ намуд
Дар Душанбе ҷаласаи кории сарпарастони муассисаҳои давлатии таҳсилоти ибтидоӣ ва миёнаи касбӣ баргузор гардид
Дар шаҳри Ҳисор корхонаи саноатии истеҳсоли бомпӯшҳои азбестӣ мавриди истифода қарор гирифт
Дар ноҳияи Ашт барои бунёди 16 синфхонаи иловагӣ хишти аввал гузошта шуд
Дар ноҳияи Кӯшониён пули дарозиаш 85-метра ба истифода дода шуд
Бори аввал дар Тоҷикистон Олимпиадаи байналмилалии «ISI Junior-2022» аз фанни технологияи иттилоотӣ баргузор мегардад
«25 соли Ваҳдат миллӣ 25 соли эҳёи иттиҳоду баҳамоии мост!»,- мегўяд Илёс Ғаффорзода, директори Донишкадаи такмили ихтисоси омӯзгорони муассисаҳои таҳсилоти олии касбии назди ДМТ
Аввалин Муассисаи давлатии таҳсилоти томактабӣ барои кӯдакони болаёқати шаҳри Душанбе мавриди истифода қарор гирифт