Бахшида ба Солҳои рушди саноат «Амонатбонк» ба сокинони шаҳри Турсунзода қарзҳои имтиёзнок пешниҳод намуд
ТУРСУНЗОДА, 27.04.2022 /АМИТ «Ховар»/. Дар натиҷаи ҳамкории дуруст ва гузаронидани корҳои фаҳмондадиҳӣ миёни аҳолӣ то 25 апрел ба 210 нафар соҳибкорону хоҷагидорон ва сокинони шаҳри Турсунзода ба маблағи 8 миллиону 10 ҳазору 800 сомонӣ қарзҳои имтиёзнок дода шудаанд. Дар ин бора мудири филиали №15 БДА ҶТ «Амонатбонк» дар шаҳри Турсунзода Музаффар Мирализода ба хабарнигори АМИТ «Ховар» Субҳониддини Маҳмуд иттилоъ дод.
Бо мақсади дастгирии соҳибкорӣ ва беҳтар намудани фазои сармоягузорӣ дар шаҳри Турсунзода таҳти раёсати муовини раиси шаҳр Ғафурҷон Собирзода дар мавзӯи «Маҳсулоти хизматрасонии Бонки давлатии амонатгузории Ҷумҳурии Тоҷикистон «Амонатбонк» машварат доир гардид. Дар ҷараёни машварат соҳибкорону хоҷагидорон ва дигар намояндагони бахши хусусӣ, инчунин масъулини филиали №15 БДА ҶТ «Амонатбонк» дар шаҳри Турсунзода ширкат варзиданд.
Аз ҷониби масъулини «Амонатбонк» ба мизоҷон қарзҳо дар самти рушди кишоварзӣ, сайёҳӣ ва ҳунарҳои мардумӣ, рушди саноат ва сохтмон, соҳаи тиҷорат ва дигар соҳаҳои фаъолият, харидории хонаи истиқоматӣ, сохтмон, васеъ гардонидани манзили истиқоматӣ ва ба соҳибкорону сокинони шаҳр дигар намуди қарзҳои имтиёзнок пешниҳод гардиданд.
Зимни машварат зикр шуд, ки дар маҷмӯъ, ба сокинони шаҳри Турсунзода ба маблағи 1 миллиону 761 ҳазор сомонӣ барои рушди соҳаи кишоварзӣ ва 6 миллиону 249 ҳазору 800 сомонӣ барои рушди соҳибкории хурду миёна қарзҳои имтиёзнок дода шудаанд.
АКС: Мақомоти иҷроияи ҳокимияти давлатии шаҳри Турсунзода
ҚУРБИ АСЪОР: 1 доллари ИМА аз 9.1600 то 9.2309 сомонӣ муқаррар шудааст
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
Фаъолияти босамари корхонаи муштараки «Зарафшон»-и Панҷакент ба рушди саноат нигаронида шудааст
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Кормандони Бонки миллии Тоҷикистон бо ҷараёни сохтмони Неругоҳи барқи обии «Роғун» шинос шуданд
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
