Даҳ нафар донишҷӯёни тоҷик дар Донишгоҳи касбӣ-техникии захираҳо ва муҳити зисти Ланчжоуи Чин таҳсил менамоянд
ДУШАНБЕ, 23.04.2022 /АМИТ «Ховар»/. 22 апрел дар Маркази Конфутсийи назди Донишкадаи кӯҳию металлургии Тоҷикистон дар шаҳри Бӯстон маросими баимзорасонии Созишномаи муштараки таҳсили донишҷӯёни Тоҷикистон ва ифтитоҳи курси омодагии забони чинӣ барои донишҷӯёни хориҷӣ баргузор шуд, хабар доданд ба АМИТ «Ховар» дар донишкадаи мазкур.
Зимни маросими баимзорасонии созишномаҳо бо 10 нафар донишҷӯёни тоҷикистонӣ барои таҳсил дар Донишгоҳи касбӣ-техникии захираҳо ва муҳити зисти Ланчжоуи вилояти Гансуи Ҷумҳурии Мардумии Чин қарордодҳо баста шуданд.
Дар маросими мазкур намояндагони вазоратҳои саноат ва технологияҳои нав, маориф ва илми Ҷумҳурии Тоҷикистон, масъулини мақомоти иҷроияи ҳокимияти давлатии вилояти Суғд ва шаҳру ноҳияҳои Гулистон, Мастчоҳ, Истиқлол, ректори Донишгоҳи кӯҳӣ металлургии Тоҷикистон, директори Донишкадаи Конфутсии назди Донишгоҳи кӯҳӣ-металлургии Тоҷикистон, директори генералии ҶДММ «Ширкати кӯҳӣ-саноатии Тоҷикистону Хитой» иштирок намуданд.
Зикр шуд, ки бо ғамхорӣ ва пуштибонии Сарварони давлатҳои Тоҷикистону Чин табодули иқтисодӣ ва фарҳангии ду давлат барқарор карда шуда, тарзҳои нави ҳамкории тарафайн амалӣ шуда, робитаҳо мустаҳкам ва ногусастанӣ мешаванд.
Донишгоҳи касбӣ-техникии захираҳо ва муҳити зисти Ланчжоуи вилояти Гансуи Ҷумҳурии мардумии Чин тасмим гирифтааст, ки дар ин самт ҳамкории худро бо Тоҷикистон тақвият бахшида, мубодила ва ҳамкории байналмилалӣ ба роҳ монад. Донишгоҳи мазкур аз ҷумлаи мактаби касбии сатҳи баланд ба шумор рафта, мавқеи яке аз ду донишгоҳи давлатии сатҳи бакалаврӣ ва касбиро дар вилояти Гансу ишғол менамояд. Алҳол дар вилояти Гансу 28 техникуми олии техникии касбӣ ва 184 мактаби миёнаи касбии техникӣ мавҷуданд, ки фарогири 500 ҳазор донишҷӯён мебошанд.
АКС: Маркази Конфутсийи назди Донишкадаи кӯҳию металлургии Тоҷикистон
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
Дар Ашт бинои нави Муассисаи таҳсилоти миёнаи умумии №25 ба истифода дода шуд
ҲАТМӢ ГАРДИДАНИ ЗИНАИ СЕЮМИ ТАҲСИЛ ДАР ТОҶИКИСТОН. Шарҳи АМИТ «Ховар» дар ин мавзуъ
«АЗ ПЕШВО БИОМӮЗ, ДАРСИ ВАТАНПАРАСТӢ». Вобаста ба тарбияи ватандӯстии шаҳрвандон ҳамоиш доир шуд
Дар Донишгоҳи давлатии Кӯлоб дар доираи Ҳафтаи илм конференсияи илмӣ-назариявӣ гузаронида шуд
СОЛИ МАЪРИФАТИ ҲУҚУҚӢ. Бахшида ба он дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Туҳфаҳои идонаи Пешвои миллат ба тарбиятгирандагони мактаб-интернатҳои ҷумҳурӣ расонида шуданд
ГУЛҲОИ ВАТАН ШУКУФТА ДАР РӮЙИ ЧАКАН. Дар Академияи идоракунии давлатӣ либоси миллиро тарғиб намуданд
