Дар Истаравшан дар майдони 40 гектар боғи себ бунёд мегардад

Апрель 24, 2022 10:12

ДУШАНБЕ, 24.04.2022. /АМИТ «Ховар»/. Ҷиҳати самаранок истифода  бурдани замин ва бунёд кардани боғу токзори нав дар талу теппаҳои бекорхобидаи деҳоти Нофароҷи шаҳри Истаравшан дар майдони 40 гектар боғи анъанавии себ бунёд карда мешавад. Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, дар ин бора 22 апрел ба Раҷаббой Аҳмадзода зимни боздид аз ҷараёни бунёди боғҳои нав дар Истаравшан иттилоъ дода шуд.

Боғи мазкур дар асоси дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати самаранок истифода бурдани замин ва зиёд кардани майдони боғу токзори нав бунёд карда мешавад.

Боғҳои нав аз ҷониби саҳмдорони хоҷагиҳои деҳқонии ҷамоат дар шафати обанбори «Зарринруд» бунёд карда шуда, дар назар аст, ки барои обёрӣ кардани ин заминҳо аз ҳисоби саҳмдорон чоҳи амудӣ  кофта шавад.

Боғҳои бунёдшаванда дар шафати шоҳроҳи Душанбе-Хуҷанд-Чанок ҷойгир буда, баъди пурра бунёд гардидан барои сайёҳону меҳмонон метавонанд манзараи зебои табиатро муаррифӣ намоянд.

Раиси вилоят аз ташаббуси боғпарварон истиқбол намуда, иброз дошт, ки ташкили боғҳои нав дар заминҳои бекорхобидаи мавзеъ, ки беш аз 200 гектар аст, бояд ҳарчи зиёдтар ба роҳ монда шавад.

Раҷаббой Аҳмадзода инчунин дар хоҷагии деҳқонии «Бобо Рашид»-и Ҷамоати деҳоти Нофароҷ ба кишти картошка оғоз бахшид.

Иттилоъ дода шуд, ки дар деҳоти Истаравшан соли равон дар 3400 гектар картошка кишт гардида, дар ин ҷамоат моҳи апрел ба кишти картошка оғоз мекунанд.

Раиси вилоят дар суҳбат бо деҳқонон бори дигар ёдрас шуд, ки тибқи дастуру ҳидоятҳои Пешвои миллат муҳтарам Эмомалӣ Раҳмон бояд ҳар ваҷаб замин самаранок истифода бурда шуда, бо назардошти афзоиши талабот ҳаҷми истеҳсоли маҳсулоти кишоварзӣ сол ба сол зиёд карда шавад.

АКС: Хадамоти матбуоти Раиси вилояти Суғд

Апрель 24, 2022 10:12

Хабарҳои дигари ин бахш

Дар Хуҷанд иди Сада ва ярмарка-фурӯши ниҳол, кӯчату тухмии гулу зироат баргузор карда мешавад
ҲИФЗИ ДАРАХТОН ДАР САРМО. Кумитаи ҳолатҳои фавқулода ва мудофиаи гражданӣ тавсияҳо пешниҳод мекунад
ДАРАХТ БИНШОН! Дар минтақаи Рухаки вилояти Суғд боғҳои нав бунёд карда мешаванд
ДАРАХТ БИНШОН! КВД «Тоҷикниҳолпарвар» тақрибан як млн бех ниҳол барои фурӯш омода намудааст
ДАРАХТ БИНШОН. Дар шоҳроҳи Душанбе–Ваҳдат 200 бех дарахти санавбар ва туя шинонида шуд
БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Ашт ободкорӣ ва бунёди корхонаҳои саноатӣ ҷараён дорад
ДАРАХТ БИНШОН! Дар шаҳри Кӯлоб 500 бех ниҳоли чанор шинонида мешаванд
МАСЛИҲАТИ МУТАХАССИС. Яхобмонӣ дарахтонро аз гулкунии барвақтӣ пешгирӣ менамояд
ДАРАХТ БИНШОН! Дар Боғи фарҳангӣ-фароғатии ба номи Абўмаҳмуди Хуҷандӣ беш аз 800 бех ниҳол шинонида шуд
Бо мақсади пешгирӣ аз чангу ғубор дар ноҳияи Шаҳритус дар зиёда аз 200 гектар ниҳоли саксаул шинонида шуд
БА ИСТИҚБОЛИ 30-СОЛАГИИ ИҶЛОСИЯИ ХVI ШӮРОИ ОЛӢ. Дар Боғи фарҳангию фароғатии назди Қасри Арбоб 10 ҳазор бех гулҳои мавсимии ороишӣ шинонида шуданд
ДАРАХТ БИНШОН! Корхонаи воҳиди давлатии ниҳолпарварии Ҳамадонӣ ҳар сол беш аз 100 ҳазор бех ниҳол ба фурӯш мебарорад