ДАРАХТ БИНШОН! Дар Мурғоб 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, шинонда шуданд

Апрель 19, 2022 13:20

ДУШАНБЕ, 19.04.2022 /АМИТ «Ховар»/. Дар ноҳияи Мурғоб маъракаи ниҳолшинонӣ баргузор гардид, ки зимни он 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, бо тавсияи олимони соҳаи кишоварзӣ ва риояи қоидаҳои агротехникӣ дар назди идораву муассисаҳо ва қад-қади роҳҳо шинонда шуданд,  хабар медиҳад АМИТ «Ховар» бо истинод ба мақомоти иҷроияи ҳокимияти давлатии Вилояти Мухтори Кӯҳистони Бадахшон.

Маъракаи ниҳолшинонӣ бо мақсади иҷрои дастуру супоришҳои Пешвои миллат муҳтарам Эмомалӣ Раҳмон ҷиҳати вусъати корҳои ободонию созандагӣ ба истиқболи 35- солагии Истиқлоли давлатии Ҷумҳурии Тоҷикистон бо дастгирии мақомоти иҷроияи ҳокимияти давлатии Вилояти Мухтори Кӯҳистони Бадахшон доир шуда, дар амалӣ намудани он идораю муассисаҳои вилоятию ноҳиявӣ саҳм гузоштанд.

Барои нашъунамои хуби ниҳолҳо миқдори зарурии хоки ҳосилхез ва пору ба ноҳия дастрас карда шуд. Тавре масъулини соҳа мегӯянд, чунин ташаббуси созанда дар шароити ноҳияи Мурғоб саривақтӣ буда, барои бой гардондани ҳаво аз оксиген мусоидат менамояд.

Аз ҷониби дигар, солҳои охир растании терескен, ки хӯроки асосии қутос ба ҳисоб меравад, ба ҷои ҳезум истифода шуда, рӯ ба нестӣ ниҳодааст. Аз ин рӯ, нашъунамои хуби дарахтон дар ин минтақа метавонад ба истифодаи терескен ҳамчун манбаи ҳезум хотима гузошта, бехатарии экологиро таъмин ва симои ноҳияро сарсабзу хуррам гардонад.

Раиси вилоят Алишер Мирзонабот дар маъракаи ниҳолшинонӣ иштирок намуда, аз вусъати рӯзафзуни корҳои созандагиву бунёдкорӣ, сабзазоркунӣ ва беҳбуд ёфтани шароити рӯзгори сокинони ноҳия изҳори хушнудӣ намуда, гуфт, ки «мо бояд баҳри дар амал иҷро кардани дастуру супоришҳои Пешвои миллат муҳтарам Эмомалӣ Раҳмон аз ҳарвақта дида, бештар талош намоем. Гулзору  сабзазоркунӣ дар ноҳия ба ҳукми анъана даромада, ҳамасола маъракаҳои ниҳолшинонӣ ташкил карда мешаванд, зеро ободу хуррамгардонии муҳити зист расми хуби аҷдодони мо мебошад».

Ба идораву муассисаҳои ноҳиявӣ ва масъулини дахлдор супориш дода шуд, ки нибат ба нигоҳубин ва парвариши дарахтон муносибати ҷиддӣ зоҳир намоянд.

АКСҲО: МИҲД-и ВМКБ

Апрель 19, 2022 13:20

Хабарҳои дигари ин бахш

Дар Хуҷанд иди Сада ва ярмарка-фурӯши ниҳол, кӯчату тухмии гулу зироат баргузор карда мешавад
ҲИФЗИ ДАРАХТОН ДАР САРМО. Кумитаи ҳолатҳои фавқулода ва мудофиаи гражданӣ тавсияҳо пешниҳод мекунад
ДАРАХТ БИНШОН! Дар минтақаи Рухаки вилояти Суғд боғҳои нав бунёд карда мешаванд
ДАРАХТ БИНШОН! КВД «Тоҷикниҳолпарвар» тақрибан як млн бех ниҳол барои фурӯш омода намудааст
ДАРАХТ БИНШОН. Дар шоҳроҳи Душанбе–Ваҳдат 200 бех дарахти санавбар ва туя шинонида шуд
БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Ашт ободкорӣ ва бунёди корхонаҳои саноатӣ ҷараён дорад
ДАРАХТ БИНШОН! Дар шаҳри Кӯлоб 500 бех ниҳоли чанор шинонида мешаванд
МАСЛИҲАТИ МУТАХАССИС. Яхобмонӣ дарахтонро аз гулкунии барвақтӣ пешгирӣ менамояд
ДАРАХТ БИНШОН! Дар Боғи фарҳангӣ-фароғатии ба номи Абўмаҳмуди Хуҷандӣ беш аз 800 бех ниҳол шинонида шуд
Бо мақсади пешгирӣ аз чангу ғубор дар ноҳияи Шаҳритус дар зиёда аз 200 гектар ниҳоли саксаул шинонида шуд
БА ИСТИҚБОЛИ 30-СОЛАГИИ ИҶЛОСИЯИ ХVI ШӮРОИ ОЛӢ. Дар Боғи фарҳангию фароғатии назди Қасри Арбоб 10 ҳазор бех гулҳои мавсимии ороишӣ шинонида шуданд
ДАРАХТ БИНШОН! Корхонаи воҳиди давлатии ниҳолпарварии Ҳамадонӣ ҳар сол беш аз 100 ҳазор бех ниҳол ба фурӯш мебарорад