ХАЙРУ ЭҲСОН БАР ЯТИМОН ПЕШАИ МАРДОН БУВАД. Раиси шаҳри Душанбе Рустами Эмомалӣ ба зиёда аз 7,5 ҳазор ниёзмандон кумак расонданд
ДУШАНБЕ, 30.04.2022 /АМИТ «Ховар»/. Дар пайравӣ бо ташаббусу иқдомҳои инсондӯстонаи Пешвои муаззами миллат аз ҷониби Раиси шаҳри Душанбе муҳтарам Рустами Эмомалӣ дар арафаи Иди саиди фитр ба зиёда аз 7 ҳазору 500, аз ҷумла 1 ҳазору 251 нафар ятимони кулл, бепарасторону маъюбон ва шахсони эҳтиёҷманд туҳфаҳои идона тақдим карда шуд. Дар ин бора ба АМИТ «Ховар» дар мақомоти иҷроияи ҳокимияти давлатии шаҳри Душанбе хабар доданд.
Аз кумакҳои Раиси шаҳри Душанбе муҳтарам Рустами Эмомалӣ ҳайати бошандагону таълимгирандагони Муассисаи давлатии таҳсилоти умумии асосии «Мактаб-интернати рақами 1 барои кӯдакони ятим ва бепарастори»-и шаҳри Душанбе, Мактаб-интернати махсуси таҳсилоти асосии №2-и шаҳри Душанбе, Муассисаи давлатии махсуси таҳсилоти умумии асосии «Мактаб-интернати ёрирасони №3»-и шаҳри Душанбе, Муассисаи давлатии таҳсилоти миёнаи умумии «Мактаб-интернати №5 барои кӯдакони имконияташон маҳдуди»-и шаҳри Душанбе, Муассисаи давлатии тањсилоти ибтидоии Мактаб-интернати №4 барои кўдакони имконияташон маҳдуди»-и шаҳри Душанбе, Муассисаи давлатии Хонаи кӯдакони синни томактабии №1-и шаҳри Душанбе, Муассисаи давлатии «Маркази дастгирии оила ва кӯдаки №1»-и шаҳри Душанбе, Муассисаи давлатии «Маркази дастгирии оила ва кӯдаки №2»-и шаҳри Душанбе, Муассисаи давлатии таҳсилоти миёнаи умумии махсуси ношунавоёни шаҳри Душанбе, Муассисаи давлатии таҳсилоти ибтидоии шабонарӯзи махсус барои кӯдакони нобино ва сустбини шаҳри Душанбе, Маркази минтақавии хизмати иҷтимоӣ ба нафақахӯрон ва маъюбони шаҳри Душанбе, кормандони муассисаҳои истифодабарии роҳҳои пойтахт, маъюбон ва дигар табақаи эҳтиёҷманд баҳраманд гардиданд.
Кумакҳоро, ки иборат аз маводи озӯқа намояндагони мақомоти иҷроияи ҳокимияти давлатии шаҳри Душанбе дастрас намуданд.
Дар арафаи Иди саиди фитр ҳамзамон оилаҳои ниёзманд ва собиқадорони меҳнат аз ноҳияҳои Исмоили Сомонӣ, Шоҳмансур, Фирдавсӣ ва Сино аз кумакҳои Раиси шаҳри Душанбе муҳтарам Рустами Эмомалӣ бархӯрдор гардиданд.
Мавриди зикр аст, ки дасти кумак дароз намудан ба ятимону бепарасторон ва барҷомондагону оилаҳои ниёзманд дар фарҳанги миллати мо аз хислатҳои неки инсонӣ ба ҳисоб меравад. Маҳз ҳамин аст, ки аз ҷониби шаҳрдории Душанбе имрӯзҳо чун анъана дар арафаи ҳама иду ҷашнҳо ба ин қишри аҳоли дасти кўмак ва ғамхорӣ зоҳир карда мешавад.
АКС: МИҲД-и шаҳри Душанбе
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
