Муовини Раиси шаҳри Душанбе Дилбар Одилзода дар Иҷлосияи 28-уми Ассамблеяи байналхалқии пойтахтҳо ва шаҳрҳои бузург ба таври маҷозӣ иштирок кард

Апрель 19, 2022 17:01

ДУШАНБЕ, 19.04.2022. /АМИТ «Ховар»/. «Маркази идоракунии шаҳрдорӣ: қарорҳо, таҷриба ва дурнамо» таҳти чунин унвон 19 апрел Иҷлосияи 28-уми Ассамблеяи байналхалқии пойтахтҳо ва шаҳрҳои бузург (МАГ) баргузор гардид. Чорабинӣ дар шакли ҳузурӣ ва маҷозӣ баргузор шуда, дар кори он роҳбарон ва ҳайатҳои расмии шаҳрҳои аъзои Ассамблея ва кумитаи иҷроияи ИДМ, намояндагони дахлдори Шӯрои Федератсияи Маҷлиси Федералӣ ва Думаи давлатии Федератсияи Русия ва созмону ташкилотҳои байналмилалию минтақавӣ иштирок намуданд. Дар ин бора АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.

Дар иҷлосияи мазкур муовини Раиси шаҳри Душанбе Дилбар Одилзода ба таври маҷозӣ иштирок намуда, оид ба масоили тавсеа ва таҳкими ҳамкориҳои мутақобилан судманди мақомоти иҷроияи ҳокимияти давлатии шаҳри Душанбе бо шаҳрҳои аъзои Ассамблеяи байналхалқии пойтахтҳо ва шаҳрҳои бузург изҳори назар карданд.

Зимни иҷлосия иштирокчиён доир ба шакл ва роҳҳои нави идораи шаҳрдорӣ, қабули қарорҳо, ҷорӣ намудани усулҳои нави корбарӣ, хизматрасониҳо ва таҳкиму густариши ҳамкориҳо дар чаҳорчўби ташкилот мубодилаи афкор намуданд.


Дар рафти чорабинӣ оид ба фаъолияти ташкилот барои солҳои 2020-2021 гузориш ироа шуда, самтҳои афзалиятнок ва вазифаҳо барои давраи минбаъда муайян карда шуда, Нақшаи чорабиниҳоро барои соли 2022 тасдиқ ва ҳайати нави мақомоти роҳбарикунандаи Ассамблея интихоб гардид.

Раиси шаҳри Хабаровски Федератсияи Россия Кравчук Сергей Анатолевич ба ҳайси Раиси Ассамблеяи байналхалқии пойтахтҳо ва шаҳрҳои бузург интихоб гардида, қарор дода шуд, ки Форуми навбатии ташкилот моҳи майи соли 2022 дар шаҳри Хабаровск таҳти унвони «Мегаполис асри ХХI» бахшида ба масъалаҳои рақамикунонии идораи шаҳрдорӣ гузаронида шавад.

АКС: шуъбаи иттилоотии дастгоҳи Раиси шаҳри Душанбе

Апрель 19, 2022 17:01

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст