Тоҷикистон ва Ҷопон татбиқи лоиҳаҳои муштаракро дар соҳаҳои гуногун баррасӣ намуданд
ДУШАНБЕ, 22.04.2022 /АМИТ «Ховар»/. 21 апрел мулоқоти муовини Вазири корҳои хориҷии Ҷумҳурии Тоҷикистон Шараф Шерализода бо ноиби Президенти Агентии Ҷопон оид ба ҳамкории байналмилалӣ (JICA) Кеичиро Наказава дар Токио баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо фаъолияти пурсамари Агентии ҳамкории байналмилалии Ҷопон ва аҳамияти лоиҳаҳоеро, ки ин агентӣ дар Тоҷикистон амалӣ мекунад, таъкид намуданд.
Дар фарҷоми мулоқот ҷонибҳо омодагии худро барои идомаи ҳамкориҳо ҷиҳати татбиқи лоиҳаҳои муштарак дар соҳаҳои гуногун дар Ҷумҳурии Тоҷикистон изҳор намуданд.
Ёдовар мешавем, ки муносибатҳои дипломатӣ байни Ҷумҳурии Тоҷикистон ва Ҷопон 2 феврали соли 1992 барқарор шудаанд.
Сафорати Ҷумҳурии Тоҷикистон дар Ҷопон 28 ноябри 2007 ифтитоҳ ёфтааст ва Сафорати Ҷопон дар Ҷумҳурии Тоҷикистон 26 январи 2002 кушода шуд. Ҳоло Сафири Фавқулода ва Мухтори Ҷумҳурии Тоҷикистон дар Ҷопон Мирзошариф Ҷалолов ва Сафири Фавқулода ва Мухтори Ҷопон дар Ҷумҳурии Тоҷикистон Аикӣ Тошиҳиро мебошанд.
Дар давраи муносибатҳои дипломатӣ байни ду кишвар барои таъмиқи минбаъдаи ҳамкории амалӣ заминаи хубе бунёд гардидааст ва аз ҳама муҳим – сатҳи баланди мушорикат, эътимоди тарафайн ва эҳтиром ба даст омадааст.
Аҳамияти зиёдро барои таҳкими ҳамкории дуҷониба фаъолияти Агентии ҳамкориҳои байналмилалии Ҷопон (JICA), ки аз 2006 дар рушди соҳаҳои иҷтимоии Тоҷикистон саҳм мегузорад, молик аст.
АКС: ВКХ ҶТ
1050-солагии Робияи Балхӣ ба Феҳристи бузургдоштҳои ЮНЕСКО ворид гардид
Бо ташаббуси Тоҷикистон қатъномаи «Устувонии Куруши бузург» дар иҷлоси 43-юми Конфронси генералии ЮНЕСКО қабул гардид
Дар Вашингтон муносибатҳои дуҷониба ва бисёрҷонибаи Тоҷикистон ва ИМА баррасӣ гардиданд
Рӯзи Конститутсияи Ҷумҳурии Тоҷикистон дар Туркманистон таҷлил гардид
Сироҷиддин Муҳриддин бо Ҷон Поммершейм мулоқот намуд
Дар Абу Забӣ ҳамкории академияҳои Тоҷикистон ва Амороти Муттаҳидаи Араб баррасӣ гардид
Тоҷикистон ва Баҳрайн ҳамкории муассисаҳои таълимии дипломатиро баррасӣ карданд
Дар Манама машваратҳои сиёсӣ байни вазоратҳои корҳои хориҷии Тоҷикистон ва Баҳрайн баргузор гардид
Намояндаи Тоҷикистон дар Муколамаи Манама иштирок намуд
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
