ЧЕМПИОНАТИ CAFA-2022. Дастаи мунтахаби наврасони Тоҷикистон дар бозии дуюм бо Афғонистон баробар рақобат намуд
ДУШАНБЕ, 17.05.2022 /АМИТ «Ховар»/. Дастаи мунтахаби наврасони то 16-солаи Тоҷикистон оид ба футбол таҳти роҳбарии Зайниддин Раҳимов дар Чемпионати Ассотсиатсияи футболи Осиёи Марказӣ, ки дар шаҳри Душанбе ҷараён дорад, ба муқобили дастаи мунтахаби наврасони Афғонистон рақобат намуд ва бозӣ бо ҳисоби мусовии 0:0 анҷом ёфт, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар бозии дигар дастаи мунтахаби наврасони то 16-солаи Эрон бар дастаи мунтахаби наврасони Қирғизистон бо ҳисоби 2:0 ғолиб омад. Аз ин пеш дар даври дуюми мусобиқа дастаи мунтахаби наврасони то 16-солаи Тоҷикистон ҳамсолони худ аз Қирғизистон бо ҳисоби 2:0 мағлуб карда буд. Голҳоро Масрур Ғафуров (аз пеналтӣ) ва Шерафган Саидов ба нишон расониданд.
Дар бозии дигари даври дуюми Чемпионати CAFA-2022 дастаи мунтахаби наврасони то 16-солаи Узбекистон дастаи мунтахаби наврасони то 16-солаи Афғонистонро бо ҳисоби калони 6:0 мағлуб намуд.
Ёдовар мешавем, ки баъди ин давр дастаи мунтахаби то 16-солаи Эрон бо 7 имтиёз дар ҷои аввал ҷойгир аст. Дастаи мунтахаби наврасони Тоҷикистон бо 4 хол дар мақоми дуюм қарор дорад. Дастаи мунтахаби наврасони Узбекистон бо 4 хол дар зинаи сеюм меистад, дастаҳои мунтахаби наврасони Қирғизистон ва Афғонистон бо 1-холӣ дар ҷойҳои чаҳоруму панҷум қарор доранд.
Чемпионати CAFA-2022 миёни дастаҳои наврасон (U-16)
Даври 1
Узбекистон – Эрон – 2:2
Афғонистон – Қирғизистон – 1:1
Даври 2
Қирғизистон – ТОҶИКИСТОН – 0:2
Узбекистон – Афғонистон – 6:0
Акс: ФФТ
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
