Дар Душанбе бахшида ба Рӯзи байналмилалии ҳифзи кӯдакон мусобиқаи шашка ва шоҳмот доир гардид
ДУШАНБЕ, 31.05.2022 /АМИТ «ХОВАР»/. Бахшида ба Рӯзи байналмилалии ҳифзи кӯдакон, ки пагоҳ, 1 июн таҷлил мешавад, миёни ҷавонону наврасон ва фарзандони кормандони мақомоти милитсияи шаҳри Душанбе таҳти шиори «Шашка ва шоҳмот- тақвиятдиҳандаи зеҳн» мусобиқаи кушоди шахсӣ-даставӣ баргузор гардид. Дар ин бора ба АМИТ «Ховар» дар маркази матбуоти Раёсати Вазорати корҳои дохилӣ дар шаҳри Душанбе хабар доданд.
Дар мусобиқаи мазкур шумораи зиёди наврасон ва хонандагони муассисаҳои таҳсилоти миёнаи умумии шаҳри Душанбе ширкат ва миёни ҳамдигар қувваозмоӣ намуданд.
Баргузории чунин мусобиқаҳо бо мақсади инкишофи ҷисмониву зеҳнии ҷавонон ва тарғиби тарзи ҳаёти солим роҳандозӣ гардида, махсусан машғул шудан ба бозии шоҳмот метавонад дар инкишофу тақвияти зеҳни наврасон кумак расонад.
Масъулини мақомоти милитсияи пойтахт зимни баргузории мусобиқа иттилоъ доданд, ки минбаъд низ миёни наврасону ҷавонон мусобиқаҳои гуногуни варзишӣ баргузор карда мешаванд.
Дар охир ғолибон бо Сипоснома ва туҳфаҳои хотиравию маблағҳои пулӣ сарфароз гардонида шуданд.
Мавриди зикр аст, ки ҷавонону наврасон қишри ояндасози давлату миллат ба шумор рафта, ба илму дониш, тарзи ҳаёти солим ва варзиш фаро гирифтани онҳо дар мадди назари давлату Ҳукумати кишвар қарор дорад. Ин аст, ки дар асоси дастуру супоришҳои Раиси шаҳри Душанбе муҳтарам Рустами Эмомалӣ пайваста миёни наврасону ҷавонон мусобиқаҳои гуногуни варзишӣ баргузор карда мешаванд.
АКС: РВКД дар ш. Душанбе
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
