Дар Душанбе Кодекси нави андози Тоҷикистон муаррифӣ гардид
ДУШАНБЕ, 20.05.2022. /АМИТ «Ховар»/. «Муаррифии Кодекси нави андози Ҷумҳурии Тоҷикистон ва тафовути он аз Кодекси андози амалкунандаи Ҷумҳурии Тоҷикистон»- таҳти чунин унвон дар Душанбе машварати омӯзишӣ доир гардид.
Тавре дар шуъбаи иттилоотии дастгоҳи Раиси шаҳри Душанбе ба АМИТ «Ховар» хабар доданд, дар машварат гуфта шуд, ки Кодекси нави андози Ҷумҳурии Тоҷикистон асосҳои ташкилӣ, ҳуқуқӣ ва иқтисодиро оид ба муқаррарсозӣ, тағйирдиҳӣ, бекоркунӣ, ҳисоб ва пардохт намудани андозҳо, иҷрои уҳдадориҳои андозӣ муайян намуда, ба ташаккул, рушд ва ҳавасмандгардонии фаъолияти хоҷагидорӣ нигаронида шудааст.
Кодекси қабулгардида аз 2 қисм, 15 фасл, 57 боб ва 399 модда иборат буда, дар он ҷиҳати мукаммалгардонии маъмурикунонии андоз принсипҳои андозбандӣ, субъектҳои муносибати андозӣ, танзими канорагирӣ аз андозбандӣ ва пешгирии саркашӣ аз пардохти андоз, мониторинги андоз, машваратдиҳӣ оид ба масъалаҳои андоз, хусусияти андозбандии даромади бахшҳои алоҳида, нархгузории трансфертӣ, бобҳо ва моддаҳои алоҳида пешбинӣ шудаанд.
Бо такя ба суханҳои Пешвои миллат иброз гардид, ки Ҳукумати мамлакат бахши хусусиро дар «Стратегияи миллии рушд барои давраи то соли 2030» ҳамчун неруи пешбарандаи рушди босуботи иқтисодӣ, воситаи асосии таъмин кардани ҳадафҳои миллӣ ва дар ин замина муҳайё намудани шароит ҷиҳати зиндагии арзандаи мардум муайян кардааст. Мақсади асосии дар таҳрири нав қабул гардидани Кодекси андози Ҷумҳурии Тоҷикистон низ аз ҳамин иборат буда, дар таҳияи он соҳибкорон саҳми назаррас доранд.
Тазаккур дода шуд, ки Кодекси андози нав аз 1 январи соли 2022 мавриди амал қарор дода шудааст.
Ёдовар мешавем, ки дар машварат муовини Раиси шаҳри Душанбе Умед Гуреззода, намояндагони Вазорати молия, Кумитаи андози назди Ҳукумати Ҷумҳурии Тоҷикистон, Хадамоти гумрук, Раёсати сармоягузорӣ ва идораи амволи давлатии Мақомоти иҷроияи ҳокимияти давлатии шаҳри Душанбе, Маркази дастгирӣ ва рушди соҳибкории ш.Душанбе ва соҳибкорону роҳбарони ширкатҳои бонуфузи истеҳсоливу саноатии пойтахт иштирок доштанд.
АКС: шуъбаи иттилоотии дастгоҳи Раиси шаҳри Душанбе
«QR-РОҲНАМО». Шаҳри Душанбе ба марҳилаи нави сайёҳии рақамӣ қадам мегузорад
Дар Душанбе бахшида ба Рӯзи Парчами давлатӣ бо иштироки 20 ҳазор нафар ҳамоиши идона доир шуд
Рустами Эмомалӣ бо Сафири Чин дар Тоҷикистон Го Ҷитзюн мулоқот намуданд
Дар Душанбе даври шаҳрии Озмуни ҷумҳуриявии «Ҳунарманди сол» ҷамъбаст гардид
Таҷлили бошукуҳи Рӯзи Президенти Ҷумҳурии Тоҷикистон дар шаҳри Душанбе
Рустами Эмомалӣ ва Валентина Матвиенко ба «Мактаби таҳсилоти миёнаи умумии ба номи Ю.А. Гагарини шаҳри Душанбе» ташриф оварданд
Шаҳри Душанбе сазовори «Шоҳҷоиза»-и Озмуни ҷумҳуриявии «Беҳтарин шаҳру ноҳия, шаҳраку деҳот, деҳа, маҳали аҳолинишин ва хонаи истиқоматӣ» гардид
Дар шаҳри Душанбе зиёда аз 3 миллион бех лола шинонида мешавад
ОМОДАГӢ БА ЗИМИСТОН. Дар Душанбе таъмини 3300 иншоот бо гармӣ дар назар дошта шудааст
Дар ҳудуди шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
Дар шаҳри Душанбе озмуни «Беҳтарин донандаи китобҳои Пешвои миллат» баргузор мегардад
ТУ ШАҲРИ ГУЛБАДОМОНӢ, ДУШАНБЕ! Дар пойтахт зиёда аз 12 миллион гулҳои мавсимию бисёрсола шинонида мешавад
