Дар Ҳисор ба истиқболи Рӯзи ҷавонони Тоҷикистон маҳфил-озмуни базми ғазал баргузор мегардад
ДУШАНБЕ, 08.05.2022 /АМИТ «Ховар»/. Дар шаҳри Ҳисор дар доираи чорабиниҳои ҷашнӣ ба ифтихори 35-солагии Истиқлоли давлатии Ҷумҳурии Тоҷикистон ва бахшида ба Рӯзи ҷавонони Тоҷикистон, ки ҳамасола 23 май таҷлил мешавад, миёни донишҷӯёни муассисаҳои таҳсилоти ибтидоии касбӣ ва хонандагони синфҳои болоии мактаби президентӣ дар шаҳр ва литсею гимназияҳои ҳудуди шаҳри Ҳисор таҳти унвони “Нақши ҷавонон дар шинохти осори миллӣ” маҳфил-озмуни базми ғазал баргузор мегардад, хабар медиҳад АМИТ «Ховар» бо истинод ба Кумитаи иҷроияи Ҳизби Халқии Демократии Тоҷикистон дар шаҳр.
Ёдовар мешавем, ки маҳфил-озмун дар ду давр гузаронида мешавад. Даври якум дар доираи муассисаҳои таълимӣ аз 6 то 18 май гузаронида шуда, ташкилкунандаи маҳфил-озмун ҷамъоварии ҳуҷҷатҳои заруриро барои иштирок дар он ба роҳ монда, аз миёни довталабон ғолибони ҷойи якумро барои иштирок дар даври дуюм пешниҳод менамояд. Даври дуюми маҳфил-озмун барои ғолибони ҷойҳои якум, дуюм ва сеюми даври якум 21 май баргузор мегардад.
Маҳфил-озмун бо мақсади таҳкими арзишҳои маънавию фарҳангӣ, бедор намудани ҳисси ватандӯстию меҳанпарастӣ, арҷгузорӣ ба забони давлатӣ, эҳтиром ба муқаддасоти миллӣ миёни ҷавонон, талқини ҷавонон барои сухан гуфтан бо забони ноби адабии тоҷикӣ, муаррифии забони тоҷикӣ ба ҷаҳониён ҳамчун забони қадимии олам ва эҳё намудани арзишҳои неки ниёгон доир мешавад.
Ғолибони маҳфил-озмун бо туҳфаҳо ва сипосномаҳои Кумитаи иҷроияи Ҳизби Халқии Демократии Тоҷикистон дар шаҳри Ҳисор қадршиносӣ карда мешаванд.
Акс: КИ ҲХДТ
Сарвазири Гурҷистон Ираклий Кобахидзе Осорхонаи миллии Тоҷикистонро тамошо кард
Президенти Ҷумҳурии Тоҷикистон Эмомалӣ Раҳмон дар ноҳияи Ховалинг аз боғи интенсивӣ дидан намуданд
Сарвари давлат Эмомалӣ Раҳмон дар ноҳияи Ховалинг Деҳкадаи сайёҳиро ифтитоҳ намуданд
Пешвои миллат Эмомалӣ Раҳмон дар ноҳияи Ховалинг як қатор иншооти муҳими иҷтимоӣ ва хизматрасониро ба таври фосилавӣ ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ховалинг Осоишгоҳ барои ятимону маъюбонро мавриди истифода қарор доданд
Сарвари давлат Эмомалӣ Раҳмон дар ноҳияи Ховалинг ба фаъолияти коргоҳи истеҳсоли маҳсулоти ширии Асри ваҳдат оғоз бахшиданд
Оғози сафари кории Пешвои миллат Эмомалӣ Раҳмон ба ноҳияи Ховалинги вилояти Хатлон
Имрӯз дар Душанбе Рӯзҳои фарҳанги шаҳри Панҷакент, Исфара ва ноҳияи Кӯшониён доир мегардад
Туҳфаи нодири Президенти Тоҷикистон ба Осорхонаи миллӣ тақдим гардид
Ҷаласаи Шурои ҳукуматӣ оид ба рушди кинематографияи миллӣ баргузор шуд
Роҳҳои ҳудуди деҳаи Тосқалъаи ноҳияи Восеъ ба масофаи 15 километр мумфарш карда мешавад
Доир ба рӯзгор ва осори Ҳофизи халқии Тоҷикистон Одина Ҳошим конференсияи илмӣ баргузор шуд
