«ИН ГУНААШРО БОРЕ НАДИДААМ, ҲАЙРАТАНГЕЗ АСТ!». Давандаи австралиягӣ Мина Гули кӯҳҳои Тоҷикистонро чунин тасвир кард

Май 25, 2022 11:42

ДУШАНБЕ, 25.05.2022 /АМИТ «Ховар»/. 22 май шаҳрванди Австралия Мина Гули дар масири Шамсиддини Шоҳин — Дарвоз дави навбатии худро анҷом дод. Пас аз марафон ӯ таассуроташро дар бораи кӯҳҳои Тоҷикистон нақл карда, онҳоро ҳайратангез хонд, хабар медиҳад мухбири АМИТ «Ховар».

«Ман интизор набудам, ки Тоҷикистон пур аз чунин кӯҳҳои зебост. Тӯли муддати тамоми давҳоям ин гунаашро боре дар ягон кишвари дигар надидаам, ҳайратангез аст!» — гуфт бо мафтунӣ Мина Гули.

Чанд рӯз пеш дар мусоҳибааш бо телевизиони «ТВ Варзиш» ӯ зикр кард, ки сафар ба Тоҷикистон барояш бисёр муҳим аст, зеро Ҳукумати кишвар дар масъалаи об нақши қавии пешвоӣ дорад.

«Нақши асосии ман дар Осиёи Марказӣ баланд бардоштани сатҳи огоҳӣ дар бораи буҳрони об, нишон додани аҳамияти мушкилоти пайдошуда ва ташвиқи иқдом барои ҳалли он аст», — иброз дошт Мина Гули.


Мина Гули ҳамчунин ба роҳбарияти кишвар ва тамоми масъулоне, ки дар баргузории марафони дав дар Тоҷикистон ӯро мусоидату дастгирӣ мекунанд, изҳори сипос менамояд.

Тавре АМИТ «Ховар» қаблан хабар дод, Мина Гули дар Тоҷикистон марафони дав баргузор мекунад, ки аз 16 май то 10 июн идома меёбад.


Дар ин муддат ӯ нақша дорад, ки 10 марафонро дар масофаи 458,2 километр тай карда, аз манбаъҳои бойи обии Тоҷикистон, аз ҷумла кӯли Сарез, пиряхи Федченко, неругоҳҳои барқи обии «Роғун»-у «Норак» ва дигар мавзеъҳои сайёҳӣ дидан намояд.


Интизор меравад, ки Мина Гули дар Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028», ки 6-8 июни имсол дар шаҳри Душанбе баргузор мешавад, ширкат варзад.

Акрамхоҷа АКБАР,
АМИТ «Ховар»

АКС: АМИТ «Ховар»

Май 25, 2022 11:42

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»