Маликшо Неъматзода дар конференсияи минтақавии роҳбарони Иттифоқҳои касабаи кишварҳои Осиёи Марказӣ иштирок кард
ДУШАНБЕ, 12.05.2022. /АМИТ «Ховар»/. Дар шаҳри Нур-Султони Ҷумҳурии Қазоқистон таҳти унвони «Устуворӣ ва фаъолнокии сиёсати иттифоқҳои касаба ҷиҳати коҳиш додани оқибатҳои буҳрон» конференсияи минтақавии роҳбарони иттифоқҳои касабаи кишварҳои Осиёи Марказӣ баргузор гардид, хабар медиҳад АМИТ «Ховар» бо истинод ба Федератсияи иттифоқҳои касабаи мустақили Тоҷикистон.
Конференсияи мазкур таҳти сарпарастии Ташкилоти байналмилалии меҳнат бо иштироки роҳбарони федератсияҳои иттифоқҳои касабаи кишварҳои Тоҷикистон, Қазоқистон, Узбекистон ва Қирғизистон, ҳамзамон директори Бюрои кор бо меҳнаткашони Ташкилоти байналмилалии меҳнат Мария Хелена Андре, мудири шуъбаи Аврупо ва Осиёи Марказии ТБМ Сергеюс Гловатскас, мутахассиси калони кор бо меҳнаткашони ТБМ барои Аврупои Шарқӣ ва Осиёи Марказӣ Гоча Александрия ва ташкилоти ҳамузв баргузор гардид.
Зимни конференсия раиси Федератсияи иттифоқҳои касабаи мустақили Тоҷикистон Маликшо Неъматзода сухан гуфта, оид ба фаъолияти Иттифоқҳои касабаи Тоҷикистон дар давраи пандемия, нақши шарикии иҷтимоӣ дар андешидани тадбирҳои бартарафнамоии бемории Совид-19 ва оқибатҳои он, инчунин амалҳои оянда дар самти ҳифзи иҷтимоии кормандон маълумот манзур намуд.
Тадбирҳои воқеӣ, амал ва нақшаҳои иттифоқҳои касаба дар муносибатҳои меҳнатӣ, раванди муҳоҷирати меҳнатӣ ва дигар омилҳои мусоидаткунанда дар татбиқи ҳадафҳои Оинномавии иттифоқҳои касаба ва муколамаи иҷтимоӣ мавзӯъҳои калидии барномаи конференсия маҳсуб мешаванд.
Ҳамзамон Маликшо Неъматзода бо директори Бюрои кор бо меҳнаткашони Ташкилоти байналмилалии меҳнат (ILO) Мария Ҳелена Андре дар ҳошияи Конфронси минтақавии роҳбарони Иттифоқҳои касабаи кишварҳои Осиёи марказӣ мулоқот намуда, вазъи кунунии қонунгузории меҳнат, мутобиқати қонунгузорӣ оид ба меҳнат, нақши иттифоқҳои касаба дар ҳифзи манфиатҳои иҷтимоии кормандон дар давраи баъди ковидро мавриди баррасӣ қарор доданд.
Ҷонибҳо ҳамкории мутақобилан судманди Ташкилоти байналмилалии меҳнат ва Федератсияи иттифоқҳои касабаи мустақили Тоҷикистонро мусбат арзёби карда, оид ба тақвияти ҳамкории муштарак дар самти масъалаҳои ҳифз ва бехатарии меҳнат изҳори омодагӣ намуданд.
Акс: ФИКМТ
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ҶОИЗАИ БАЙНАЛМИЛАЛИИ АБУАЛӢ ИБНИ СИНО. Нобиғае, ки аз замони худ садсолаҳо пештар меандешид
Ширкати «IRS»: «Ҳаракати нақлиёт дар роҳи Душанбе – Чаноқ таъмин аст»
ШАРБАТИ САЛОМАТӢ. Олимони тоҷик истеъмоли онро барои пешгирии бемориҳои камхунӣ, ҷоғар ва диабет тавсия медиҳанд
СИРИШТИ СИНОИИ ПЕШВОИ МИЛЛАТ. Дар ҳошияи таъсиси Ҷоизаи байналмилалии Абуалӣ ибни Сино дар соҳаи тиб
«ТОБИСТОН-2026». Дар Суғд барои шавқовар баргузор намудани истироҳати тобистонаи кӯдакон ва наврасон тадбир меандешанд
РӮЗИ БАЙНАЛМИЛАЛИИ ҲИФЗИ КӮДАКОН. Падару модар дар таълиму тарбияи кӯдак чӣ уҳдадорӣ ва ҳуқуқ доранд?
Дар Душанбе ғолибони Фестивали ҷумҳуриявии «Малакаҳои касбӣ» қадрдонӣ гардиданд
Дар даври ниҳоии Фестивали ҷумҳуриявии «Малакаҳои касбӣ» 370 хонандаю донишҷӯ иштирок менамоянд
«Барномаи пешгирӣ ва назорати диабети қанд дар Ҷумҳурии Тоҷикистон барои солҳои 2026-2030». Барои пешгирӣ аз ин беморӣ чӣ бояд кард?
РАҚАМИКУНОНИИ СОҲАИ ХИЗМАТИ ДАВЛАТӢ. Кормандони соҳаи хизмати давлатӣ дар Беларус такмили таҷриба менамоянд
