МУСОБИҚАИ РУШДИ УЕФА. Дастаи мунтахаби наврасони Тоҷикистон (U-16) бар дастаи Гондурас пирӯз гардид

Май 6, 2022 08:42

ДУШАНБЕ, 06.05.2022 /АМИТ «Ховар»/. Дастаи мунтахаби наврасони Тоҷикистон (U-16) оид ба футбол таҳти роҳбарии Зайниддин Раҳимов дар мусобиқаи байналмилалии рушди УЕФА, ки дар Скопйе ҷараён дорад, бар дастаи Гондурас бо ҳисоби 3:1 пирӯз шуд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Голҳоро аз ҳайати дастаи мо Абубакр Сулаймонов, Билол Бобоев ва Масрур Ғафуров ба ҳадаф расониданд.

Дар вохӯрии дигари мусобиқаи рушди УЕФА дар Скопйе наврасони Македонияи Шимолӣ бар дастаи Косово дар силсилаи пеналтӣ (вақти асосӣ – 1:1, пеналтӣ – 4:3) ғалаба карданд.

Қаблан дар бозии аввал дастаи мунтахаби наврасони Тоҷикистон аз дастаи Македонияи Шимолӣ дар силсилаи пеналти (3:3, 4:5) шикаст хӯрда буд.

Баъди ду даври мусобиқа се даста – Тоҷикистон, Македонияи Шимолӣ ва Косово чаҳор имтиёзӣ ба даст оварданд. Тибқи низомнома, дар мусобиқаи Скопйе барои пирӯзӣ дар вақти асосӣ 3 имтиёз, барои ғалаба дар зарбаҳои пеналти 2 имтиёз ва барои мағлуб шудан дар пеналти 1 имтиёз дода мешавад.

Дар даври ниҳоии мусобиқаи байналмилалии рушди УЕФА дар Македонияи Шимолӣ дастаи мунтахаби наврасони Тоҷикистон (U-16) 8 май бо ҳамсолони худ аз Косово бозӣ мекунад. Бозӣ соати 18:00 ба вақти Душанбе оғоз мешавад.

Мусобиқаи байналмилалии рушди УЕФА байни дастаҳои наврасон (U-16)

Даври 1

Македонияи Шимолй – ТОҶИКИСТОН – 3:3. Аз рӯи пеналтӣ – 5:4

Голҳои Тоҷикистон: Билол Бобоев (2), Масрур Ғафуров.

Косово – Гондурас – 2:0

Даври 2

Гондурас – ТОҶИКИСТОН – 1:3

Голҳои Тоҷикистон: Абубакр Сулаймонов, Билол Бобоев, Масрур Ғафуров.

Македонияи Шимолӣ – Косово – 1:1. Аз рӯи пеналтӣ – 4:3

Даври 3

 8 май (якшанбе)

14:00 – Македонияи Шимолӣ – Гондурас

18:00 – ТОҶИКИСТОН – Косово

Эзоҳ: оғози бозӣ ба вақти Душанбе аст.

Акс: ФФТ

Май 6, 2022 08:42

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд