Дар Восеъ барои омўзгорон машварати омӯзишӣ доир карданд
ВОСЕЪ, 21.06.2022 /АМИТ «Ховар»/. Дар муассисаи таълимии рақами 14-и ноҳияи Восеъ барои расонидани ёрии методӣ, баланд бардоштани сифату таълиму тарбия, салоҳиятнокӣ, хуҷҷатнигорӣ, иҷрои барномаҳои таълимӣ, таквият бахшидан дар таълими фанҳои табиатшиносӣ, дақиқ ва риёзӣ, ҷалби ҳарчи бештари хонандагон ба маҳфилҳои фаннӣ ва касбияти омӯзгорон, корҳои кабудизоркунӣ, бунёдкорӣ ва ободонӣ машварати омӯзишӣ гузаронида шуд. Дар ин бора ба мухбири минтақавии АМИТ «Ховар» Сулаймон ХОЛЗОДА дар шуъбаи маорифи ноҳия хабар доданд.
Дар машварат ба директорон ва омӯзгорони муассисаҳои таълимии ноҳия таҷрибаи пешқадами ин муассиса нишон дода шуд. Онҳо бо тарзи ҳуҷҷатнигорӣ, ташкили маҳфилҳои фаннӣ ва омодасозии ҳуҷҷатҳои хонандагон шинос шуданд.
Тавре мудири шуъбаи маорифи ноҳия Муҳаммад Орифзода иттилоъ дод, тибқи нақша дар 15 синфхона омӯзгорони муассисаи рақами 14 дарсҳои кушод гузарониданд, ки дар он омӯзгорон аз дигар муассисаҳо иштирок намуданд. Дар дарсҳо омӯзгорон аз асбобҳои аёнӣ, таҷҳизоти муосири таълимӣ ва методу усулҳои нави таълимӣ истифода менамоянд, ки самараи хуб дода истодааст. Муассисаи таҳсилоти миёнаи умумии рақами 14 яке аз муассисаҳои калонтарини ноҳия ба шумор рафта, дар он 1500 нафар хонанда ба таълим фаро гирифта шуда, ба онҳо 80 нафар омӯзгорон дарс мегӯянд. Ҳамасола нишондиҳандаи хонандагон ва иштироки фаъоли онҳо дар озмуну олимпиада ва дигар чорабиниҳои сатҳи ҷумҳуриявӣ аз беҳтар гардидани сифати таълиму тарбия дар ин муассиса дарак медиҳад.
Баъд аз анҷоми дарсҳои кушод ва аз назар гузаронидани ҳуҷҷатгузорӣ, кабинетҳои фаннӣ, дарси омодагии ҳарбӣ ва заминҳои назди муассиса ба омӯзгорон тавсия дода шуд, ки дар дарсҳо аёниятҳо ва техникаи муосири таълимиро васеъ истифода баранд. Ба беҳтарин омӯзгорон сипосномаи шуъбаи маориф супорида шуд.
Мавриди зикр аст, ки дар соҳаи маорифи ноҳияи Восеъ сол аз сол пешравиҳо ба назар мерасад, ки ин ҳама аз дастгириҳои пайвастаи Ҳукумати Ҷумҳурии Тоҷикистон ва Вазорати маориф ва илми Ҷумҳурии Тоҷикистон унвон мешавад. Гуфта шуд, ки имсол дар даври олимпиадаҳои фаннӣ хонандагони муассисаҳои ноҳия 51 медал ва 8 ҷои ифтихориро сазовор гардиданд. Маорифчиён барои боз ҳам хубтар шудани сифати таълиму тарбия аз таҷрибаи пешқадам истифода менамоянд.
АКС: АМИТ «Ховар»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
