БА ПЕШВОЗИ СОЛҲОИ РУШДИ САНОАТ. Дар ноҳияи Ашт корхонаи ҷӯроббофӣ бунёд мегардад
ДУШАНБЕ, 18.07.2022 /АМИТ «Ховар»/. Бахшида ба Солҳои рушди саноат (2022-2026) дар Ҷамоати деҳоти Шодобаи ноҳияи Ашт сохтмони корхонаи саноатии ҷӯроббофӣ ҷараён дорад, хабар медиҳад АМИТ «Ховар» бо истинод ба хадамоти матбуоти Раиси ноҳияи Ашт.
Раиси ноҳияи Ашт Шуҳрат Муҳаммадзода ва вакили Маҷлиси намояндагони Маҷлиси Олии Ҷумҳурии Тоҷикистон Баҳриддин Зиёӣ аз коргоҳи мазкур боздид намуданд. Коргоҳи мазкур дар шафати роҳи «Ғафуров-Қаҳрамон-Пунгон» бунёд мегардад ва корҳои таҳкурсигузории он оғоз шудаанд.
Зимни боздид раиси ноҳия иброз дошт, ки баъди ба истифода додани коргоҳ 200 нафар бонувон аз 9 ҷамоати шаҳраку деҳоти ноҳия дар 3 баст ба шуғли доимӣ фаро гирифта мешаванд.
Шуҳрат Муҳаммадзода ба сохтмончиён дастур дод, ки бояд сифати сохтмон ва ҳолати бехатарии кормандон дар мадди аввал гузошта шавад.
Сипас, Шуҳрат Муҳаммадзода ва Баҳриддин Зиёӣ бо фаъолияти Литсейи касбии техникии саноати кишоварзӣ, воқеъ дар Ҷамоати деҳоти Ориён шинос шуданд.
Зимни мулоқот раиси ноҳия ба масъулин гуфт, ки бо такя ба низоми иқтисоди бозаргонӣ касбҳои замони муосири бозоргир, аз ҷумла IT-технология, оҳангарӣ, муҳосибӣ ва чанде дигарро бояд рушд дод.
Мавриди зикр аст, ки дар маркази таҳсилоти мазкур курси кӯтоҳмудати дӯзандагӣ ба роҳ монад шуда, 7 нафар ба он машғул мебошанд. Дар мулоқот бо дӯзандаҳо Шуҳрат Муҳаммадзода иброз намуд, ки «имрӯз фурсати он расидааст, ки бозори дохилиро бо маҳсулоти худӣ таъмин намоем. Барои рушд додани соҳаи дӯзандагӣ дар ноҳия тамоми имконияти иқтисодӣ фароҳам оварда шудааст. Бояд маҳсулоти дохилӣ нархи паст ва сифати баланд дошта бошад ва аз рӯи талабот намунаи маҳсули меҳнат ба маърази тамошо гузошта шавад».
Литсейи мазкур соли 1967 ба фаъолият оғоз намуда, 65 нафар дар он кор мекунанд ва бинои он ҳоло ба навсозӣ ниёз дорад. Дар маркази мазкур 250 нафар хонандагон ҳамасола ба таҳсил фаро гирифта шуда, пас аз як сол онро хатм менамоянд.
Дар Литсейи касбии техникии саноати кишоварзӣ ба хонандагон ҳунарҳои тракторчӣ, барқчӣ, рангуборчӣ, челонгарӣ, дӯзандагӣ ва барномасозӣ омӯзонида мешаванд.
АКС: Хадамоти матбуоти Президенти ҶТ/АМИТ «Ховар»
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Дар Ҷамоати шаҳраки Шарора корхонаҳои истеҳсоли хишт ва семент ба истифода дода мешаванд
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
РУШДИ САНОАТ. Дар Тоҷикистон ҳаҷми истеҳсоли маҳсулоти саноатӣ ба 16 миллиард сомонӣ расид
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
