Беморхонаи марказии ноҳияи Файзобод таъмиру навсозӣ мешавад
ДУШАНБЕ, 21.07.2022 /АМИТ «Ховар»/. Дар ноҳияи Файзобод таъмиру навсозии Беморхонаи марказии иборат аз 10 шуъба бо ғунҷоиши 216 кат ва сохтмони бинои Маркази ташхису табобатӣ, иборат аз 6 шуъба бо ғунҷоиши 28 кат ба масоҳати 9609 м2 оғоз гардид, иттилоъ доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии мамлакат.
20 июл зимни ифтитоҳи корҳои сохтмонӣ муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, раиси ноҳияи Файзобод Бобишо Холзода, намояндагони шарикони рушд, мутахассисони Беморхонаи марказии ноҳия ва дигар масъулин иштирок намуданд.
Таъмиру навсозии беморхонаи марказии ноҳия дар доираи амалисозии Лоиҳаи «Хизматрасониҳои маҷмӯӣ барои модар ва кӯдак» (гранти Бонки осиёии рушд 0627 – TAJ (SF))-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон сурат мегирад.
Инчунин дар доираи лоиҳаи мазкур навсозии инфрасохтор (шабакаҳои оби нӯшокӣ, корезӣ, гармитаъминкунӣ, ҳавотозакунӣ, барқ), сохтмони иншоот барои истеҳсоли гази табобатӣ ба нақша гирифта шуда, ҳамзамон таҷҳизонидани иншооти мазкур бо мебел ва асбобу таҷҳизоти нави лабораторӣ ба нақша гирифта шудааст.
Ёдовар мешавем, ки беморхонаи марказии ноҳияи Файзобод соли 1975 барои 175 кат сохта, ба истифода дода шуда, бинобар кӯҳнаю фарсуда ва таъмирталаб будани биноҳои табобатӣ ба таъмири асосӣ ниёз дорад.
АКС: Вазорати тандурустӣ ва ҳифзи иҷтимоии аҳолии ҶТ
Дар Хадамоти гумруки Тоҷикистон Рӯзи забони давлатӣ таҷлил гардид
Дар Кӯлоб барои тарбиятгирандагони мактаб-интернати №1 хобгоҳи нави замонавӣ ифтитоҳ гардид
Бахшида ба Рӯзи забони давлатӣ дар Вазорати меҳнат, муҳоҷират ва шуғли аҳолии Тоҷикистон ҳамоиш доир шуд
Сахидод Раҳматуллозода: «Ташкили дарсҳои маҷозӣ барои омӯхтани забони давлатӣ тавассути шабакаҳои иҷтимоӣ ба манфиати кор мебошад»
МАСЛИҲАТИ МУТАХАССИС. Гул, бӯй ва меваи дарахти санҷид фоидаовар аст
Ширкати «IRS» ба мавсими зимистон омодагии ҷиддӣ дидааст
ОИЛАИ СОЛИМ. Омодасозии фарзандон ба ҳаёти мустақилона масъалаи муҳим аст
Дар нимаи моҳи октябр дар Тоҷикистон пастшавӣ ва тағйирёбии ҳарорати ҳаво дар назар аст
ПУРСИДЕД, ҶАВОБ МЕДИҲЕМ. Пеш аз сафар ба Федератсияи Русия чиро бояд донист?
ЗАБОН-РУКНИ МУҲИММИ ДАВЛАТДОРИИ МИЛЛӢ. Дар Донишгоҳи миллии Тоҷикистон таҳти унвон ҳамоиш баргузор гардид
Институти астрофизика бо таҷҳизоти муосири астрономӣ таъмин гардид
«ХУШДОМАНИ БЕҲТАРИН». Шоҳҷоизаи озмун насиби Холбӣ Амонбекова аз шаҳри Хоруғ гардид
