Менеҷери ширкати «Зигана – тур»: роҳхатҳои сайёҳӣ ба Туркия 50% гарон шудааст
ДУШАНБЕ, 07.07.2022 /АМИТ «Ховар»/. Роҳхатҳои сайёҳӣ ба Туркия дар қиёс бо соли гузашта ба ҳисоби миёна 50% гарон шудаанд, гуфт менеҷери ширкати сайёҳии «Зигана тур» Саъдӣ Саидов ба хабарнигори АМИТ “Ховар”.
Бино ба суханони ӯ, ин ба якбора баланд гардидани нархи парвозҳо бастагӣ дорад: ҳавопаймоҳо бояд масирро баъди пандемия барқарор мекарданд. Инчунин қурби асъор низ таъсири худро расонид: арзиши лираи Туркия якбора дар муқобили доллар поён рафт.
Саъдӣ Саидов илова кард, ки ширкати «Зигана –Тур» 10 сол боз дар бозори сайёҳии Тоҷикистон фаъолияти содиротӣ дошта, шаҳрвандони мамлакатро асосан ба кишварҳои Аврупо, Шарқи Наздик ва Туркия барои сайру сайёҳат, тиҷорат ва зиёрати маконҳои муқаддаси мусулмонон мебарад. Шаҳрвандони мо асосан барои истироҳат дар мавсими тобистон ба шаҳрҳои Истанбул ва Анталияи Туркия мераванд.
«Назар ба солҳои пешин нархи чипта албатта қиммат шудааст», — мегӯяд Саъдӣ Саидов. Корманди ширкати «Зигана-Тур» баланд гардидани нархи роҳхати сайёҳиро дар таъсири омилҳои беруна ба иқтисодиёти кишвар рабт дод. Зикр кард, ки нархи миёнаи сафар барои истироҳат ба Туркия дар соли равон тақрибан барои як нафар 800-900 $-ро ташкил медиҳад, ки ба ин маблағ нархи чиптаи ҳавопаймо (рафту бозгашт), иқомат дар меҳмонхона ва хӯрока дохил аст.
Инчунин нархи роҳхатҳо ба сатҳи хизматрасонӣ ва иқомат дар меҳмонхонаҳо (панҷситорадор, чорситорадор ва сеситорадор ва ғайра) низ вобаста аст. Намояндаи ширкати «Зигана –Тур» меафзояд, ки солҳои баъди пандемия сафари сайёҳон-шаҳрвандони кишварамон ба давлатҳои хориҷӣ, аз ҷумла Туркия ва кишварҳои Шарқи Наздик, бахусус Амороти Муттаҳидаи Араб афзоиш ёфтааст.
Ҳамзамон корманди масъули яке аз ширкатҳои муваффақи ватанӣ — «Роҳат-тур» мегӯяд, ки соли равон бештар мо ба Тоҷикистон сайёҳони хориҷиро қабул намудем, ки қариб 90 фоизи онҳоро шаҳрвандони Русия ташкил доданд. Онҳо асосан ба тамошои манзараҳои зебою нотакрори табиати Тоҷикистон, аз ҷумла Бадахшон ва манзараҳои ҷолиби «Искандаркӯл», «Ҳафткӯл» ва шаҳри қадимаи Саразм омада буданд.
Марзия САИДЗОДА,
АМИТ «Ховар»
АКС аз манбаъҳои боз
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
