Сокини 10-миллионаи Тоҷикистон ба хонае, ки Пешвои миллат Эмомалӣ Раҳмон туҳфа карданд, ворид шуд
ДУШАНБЕ, 26.07.2022. /АМИТ «Ховар»/. Имрӯз оилаи тифле, ки баробари таваллуд шуданаш шумораи аҳолии Тоҷикистон ба 10 миллион нафар расид, ба манзили истиқоматии нави худ омад, хабар доданд дар Шуъбаи иттилоотии дастгоҳи Раиси шаҳри Душанбе ба АМИТ «Ховар».
Тавре АМИТ «Ховар» қаблан иттилоъ дод, бо дастури Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси шаҳри Душанбе муҳтарам Рустами Эмомалӣ ба оилаи сокини 10-миллонаи кишвар хонаи сеҳуҷрагӣ ҷудо намуданд.
Аз номи Пешвои миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ба ин оила калиди хонаро муовини Сарвазири мамлакат Матлубахон Сатториён ва муовини Раиси пойтахт Дилбар Одилзода тақдим карданд.
Мувофиқи маълумоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии омори назди Президенти Ҷумҳурии Тоҷикистон, сокинони ноҳияи Шоҳмансури шаҳри Душанбе Фаридун Баротов ва Махфират Шокирова волидони ин кӯдаки хушбахт- сокини 10-миллионаи кишвар мебошанд.
Падари ӯ муҳоҷири меҳнатӣ ва модараш хонанишин аст. Фирдавс нахустин фарзанди ин оилаи ҷавон мебошад.
Вазни писарчаи нав ба дунё омада 3 кг 250 грамм буда, қадаш 50 см мебошад. Ҳолати кўдаки навзод ҳангоми таваллуд аз ҷониби мутахассисон аз рўи ҷадвали Апгар 7/8 хол баҳо дода шудааст.
Махфират Шокирова ҳамроҳи ҳамсару тифли навзоди худ пас аз рухсат шудан аз таваллудхона ба хонаи сеҳуҷрагии истиқоматии нав омад. Оилаи хуштолеъро намояндагони мақомоти иҷроияи ҳокимияти давлатии шаҳри Душанбе ва наздикону пайвандон ҳамроҳӣ намуданд.
Дар робита ба ҷудо намудани хонаи сеҳуҷрагӣ дар яке аз биноҳои истиқоматии навбунёди пойтахти мамлакат аз ҷониби Раиси шаҳри Душанбе муҳтарам Рустами Эмомалӣ қарори дахлдор ба тасвиб расида, навхонадорон бо тамоми ашёи рӯзгор таъмин карда шуданд.
Волидайни тифл, ки имрӯз ба хонаи нави худ омаданд, ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ барои таваҷҷуҳу ғамхорӣ ва туҳфаи арзишманд арзи сипосу миннатдории бепоён намуданд.
АКС: шуъбаи иттилоотии дастгоҳи Раиси шаҳри Душанбе
Дар Душанбе бахшида ба Рӯзи байналмилалии маъюбон барномаи фарҳангӣ-фароғатӣ гузаронида шуд
Дар Душанбе бахшида ба Рӯзи Парчами давлатии Тоҷикистон ҳамоиши тантанавӣ ва роҳпаймоӣ доир шуд
Дар Мақомоти иҷроияи ҳокимияти давлатии шаҳри Душанбе бахшида ба Рӯзи Парчами давлатӣ ҳамоиш доир гардид
Пагоҳ бахшида ба Рӯзи Парчами давлатии Тоҷикистон дар шаҳри Душанбе роҳпаймоӣ баргузор мегардад
ДУШАНБЕ-ҚАЛБИ ТОҶИКИСТОНИ СОҲИБИСТИҚЛОЛ. Дар Китобхонаи миллӣ бо иштироки сардабирони 35 нашрияи даврӣ ҳамоиш доир шуд
«Барномаи рушди фаъолияти волонтёрӣ дар шаҳри Душанбе барои солҳои 2023-2027» тасдиқ гардид
«ЭМОМАЛӢ РАҲМОН-РАМЗИ ШИНОХТИ МИЛЛАТ ВА ИФТИХОРИ ҶАВОНОН». Дар Душанбе бахшида ба Рӯзи Президенти Тоҷикистон ҳамоиш доир шуд
«ВОХӮРИИ СЕ НАСЛ». Дар Душанбе вохӯрии собиқадорони ҷангу меҳнат, оилаҳои рӯзгордида ва занону духтарони матинирода доир шуд
Шоҳҷоизаи Озмуни ҷумҳуриявии беҳтарин шаҳру ноҳия, шаҳраку деҳот, деҳа, маҳалли аҳолинишин ва хонаи истиқоматӣ насиби шаҳри Душанбе гардид
Дар шаҳри Душанбе 45 корхонаи истеҳсоли маҳсулоти қаннодӣ фаъолият менамояд
МУШКИЛОТИ САЙЁҲИИ ДОХИЛӢ. Дар Донишгоҳи давлатии омӯзгории Тоҷикистон бо мақсади рушди ин соҳа ҳамоиш доир шуд
ЭТИКАИ КАСБИИ РОНАНДАГОН. Дар Корхонаи коммуналии воҳиди давлатии «Автобус-1» доир ба риояи қоидаҳои ҳамлу нақли мусофирбарӣ машварат доир гардид
